Поднесена е првата тужба против Трамп за царините

Моќна правна група, финансиски поддржана од конзервативците, го тужи претседателот Доналд Трамп, со што започна правен спор во врска со многу значајните американски царини што неговата администрација ги објави неделава.

Новиот сојуз за граѓански слободи - НЦЛА (NCLA - The New Civil Liberties Alliance) денеска соопшти дека претседателот незаконски вовел вонредна царина за кинески стоки. НЦЛА претставува мала компанија за малопродажба на канцелариски материјали, наречена „Симплифајд“ (Simplified), која тврди дека ќе претрпи „тешка“ штета од неговите „неуставни“ царини за Кина.

Претставниците на Белата куќа не одговорија веднаш на барањето за коментар испратено во електронска пошта по работното време.

Тужбата поднесена до федералниот суд во Флорида може да биде првиот правен предизвик за сеопфатните нови американски царини. Наметнувањата на давачките, кои Трамп ги најави во средата, ги разбрануваа светските пазари и предизвикаа пад на акциите во САД.

„Повикувајќи се на итна моќ да наметне опсежна тарифа за увоз од Кина, нешто што статутот не го допушта, а претседателот Трамп ја злоупотреби таа моќ, го узурпираше правото на Конгресот да ги контролира царините и ја наруши поделбата на овластувањата според Уставот“, рече Ендрју Морис, виш советник за судски спорови во НЦЛА.

Вклучувањето на НЦЛА има правно и политичко значење. Групата беше успешна со својата работа на неколку случаи од висок профил. „Блумберг ло“ (Bloomberg Law) објави дека групата е поддржана од значајни конзервативни играчи.

Групата се смета себеси за „непартиска, непрофитна граѓанска организација за граѓански права“, која работи на спречување на прекршувањата од страна на „административната држава“.

Во тужбата, „Симплифајд“ тврди дека Трамп непрописно го заобиколил Конгресот со наметнување царини според Законот за меѓународни економски овластувања за вонредни состојби од 1977 година. Фирмата се промовира себеси како бизнис во сопственост на жена што продава врвни планери, календари и други организациски алатки.

Во тужбата се бара судска наредба со која царините ќе се прогласат за неуставни и ќе се утврди дека тие се донесени со прекршување на американските административни правила.

Како обвинети во тужбата се наведуваат и Министерството за домашна безбедност и неговите највисоки функционери. Претставниците на одделот не одговорија веднаш на барањето за коментар.

Случајот е именуван како „Емили леј пејпр (Emily Ley Paper Inc.) против Трамп“, (25-cv-00464), Окружен суд на САД, Северна област на Флорида (Пенсакола).

 

Во моментов нема коментари за веста. Биди прв да коментира...

Остави коментар