Актуелниот министер за економија не е опфатен со истрагата, бидејќи досега нема ниту еден доказ дека од него било побарано продолжување на лиценцата на објектот на клубот „Пулс“ во Кочани, информира државниот јавен обвинител Љупчо Коцевски на денешната заедничка прес-конференција со министерот за внатрешни работи Панче Тошковски.
Тој прецизира дека досега е поведена истрага кон 45 физички и три правни лица. Едно од физичките лица во меѓувреме почина и против него истрагата ќе биде прекината. Дополнително, како што кажа, се води истрага и против седум полициски службеници.
Порача дека истрагата ќе биде максимално ефективна и ќе ги даде посакуваните ефекти.
Прочитај повеќе
Протест на семејствата на настраданите во пожарот во Кочани
Со едноминутен молк пред Полициската станица граѓаните го искажаа незадоволството од ненавременото постапување за да се спречи катастрофата.
12.04.2025
Се приведуваат поранешни министри и функционери за пожарот во Кочани
Од Обвинителството велат дека надлежните институции координирано ќе ја информираат јавноста штом бидат завршени дејствијата кои се во тек.
12.04.2025
Шеесеттата жртва од трагедијата во Кочани
Почина пациент од пожарот што бил на лекување во Литванија.
04.04.2025
Од скопските болници пуштени 12 пациенти од пожарот во Кочани
Од пациентите што се лекуваат надвор од државата, во критична состојба остануваат четири-пет пациенти.
25.03.2025
Задушување е причина за смртта на сите настрадани во Кочани
До крајот на месецот се очекува да бидат завршени сите извештаи за обдукциите
21.03.2025
Министерот Панче Тошковски посочи дека во насока на расветлување на правно-кривичниот настан Министерството за внатрешни работи презеде низа активности со кои покажа дека законот важи за секој што ќе се огреши, а при тоа да се собрани соодветни докази.
„Ќе продолжиме и понатаму да преземаме активности за секој што ќе бидат собрани докази“, рече Тошковски.
Наредба за проширување на истрагата за пожарот во кочанската дискотека „Пулс“ со нови 19 лица донесе Основното јавно обвинителство Кочани. Сите се осомничени за „тешки дела против општата сигурност“ од член 292 во врска со член 288 од Кривичниот законик, соопшти синоќа Државното обвинителство. МВР информираше дека во координација со кочанското Обвинителство, против 19-те лица е поднесена кривична пријава.
ЈОРСМ вчера соопшти дека станува збор за службени лица, кои во периодот од 2012 година до 16 март 2025 година „заеднички но секој од аспект на своето својство, надлежности и одговорности, воопшто не постапиле според прописите за мерките за заштита и со тоа предизвикале опасност за животот и телото на луѓето и имот од големи размери“.
„Меѓу новите осомничени се овластени градежни инспектори во Општина Кочани, директори и генерален инспектор од Дирекцијата за заштита и спасување, министри за економија, државни секретари и други службени лица од тоа Министерство, како и инспектори од Државниот пазарен инспекторат. Постојат сомненија дека нивните незаконити дејствија и пропусти во континуитет довеле до тоа кабаре „Клуб Пулс“ во Кочани од самиот почеток во подолг временски период, па се до настанување на пожарот да продолжи да врши угостителска дејност без воопшто да исполнува законски услови за тоа и со нарушување на сите безбедносни правила по животот на лицата кои го посетувале објектот“, информира Обвинителството.
Оттаму додадоа дека како резултат на тоа, при користење на пиротехнички средства на 16 март 2025 година, за време на настапот на музичката група ДНК, бил предизвикан пожар во кој настапила смрт на 61 лице меѓу кои шест деца, а биле повредени уште 197 лица од кои 25 деца.
Основното јавно обвинителство Кочани до Основниот суд во Кочани, синоќа достави предлози за определување соодветни мерки за обезбедување на присуството на секој од новоосомничените.
Со три полициски возила и придружба во Основното јавно обвинителство во Кочани синоќа околу 21:30 часот беа донесени првите неколкумина осомничени од проширената истрага за пожарот во дискотеката „Пулс“.
.webp){kind=icon}
