Почина пациент од пожарот во дискотеката „Пулс“ во Кочани, кој беше испратен на лекување во Литванија. Тој е 60-та жртва од трагедијата во Кочани.
Информацијата утрово за МИА ја потврди доктор Игор Николов, кој е координатор за состојбата на повредените пациенти што се на лекување во странство.
Некои од медиумите пренесуваат дека станува збор за управителот на дискотеката „Пулс“ во Кочани, Александар Карадакоски.
Прочитај повеќе
Задушување е причина за смртта на сите настрадани во Кочани
До крајот на месецот се очекува да бидат завршени сите извештаи за обдукциите
21.03.2025
Погребани жртвите од пожарот во Кочани
Со починатите, од кои голем дел млади лица, се простија членови на нивните семејства, роднини, нивни сограѓани.
20.03.2025
Објавена листа на сите жртви во пожарот, повредените се во стабилна состојба
Сите пациенти што се лекуваат тука и надвор од државата се во стабилна и добра состојба, посочи министерот за здравство Арбен Таравари.
20.03.2025
На 16 март во дискотеката „Пулс“ се случи пожар во кој загинаа 59 лица, од нив шестмина малолетници, а околу 200 беа повредени.
Во изјава пред неколку дена министерот за здравство Арбен Таравари соопшти дека во земјава моментално се лекуваат 20 пациенти, а во странство 80.
„Ни остануваат вкупно 100 што се лекуваат, од кои само тројца се критични“, нагласи тогаш Таравари.
Државниот јавен обвинител Љупчо Коцевски соопшти дека во врска со пожарот во „Пулс“ се води истрага против 27 физички и три правни лица и против седум полициски службеници од СВР-Штип и полициската станица во Кочани што давале позитивни мислења за неисправниот објект да добие дозвола од Министерството за економија.
.webp){kind=icon}
