Европската Унија (ЕУ) размислува за исклучување на повеќе од 20 банки од меѓународниот систем за плаќање СВИФТ (SWIFT), забрана за работа на гасоводот „Северен тек“ и нови ограничувања на цената на руската нафта, дознава „Блумберг“. Целта на новиот пакет санкции е да се зголеми притисокот врз Москва за прекин на војната во Украина.
Европската комисија се консултира со земјите-членки, велат добро информирани извори. Тие додаваат дека одлуката за нови санкции сè уште не е донесена и дека е потребен прво договор меѓу земјите-членки. За да ги ограничи приходите на Русија, ЕУ размислува и за исклучување на уште околу дваесетина банки од СВИФТ системот, што би можело да нанесе штета на банките од околу 2,5 милијарди евра. Ова се банки за кои постои сомнеж дека ѝ обезбедуваат на Русија кредити за финансирање на војната, велат изворите. ЕУ, исто така, размислува за проширување на санкциите врз руските танкери за нафта, како и дополнителни санкции врз банките поврзани со кредити за финансирање на војната во Украина.
Новите санкции би можеле да ја ограничат и цената на руската нафта од сегашните 60 на 45 долари за земјите од Г7, велат изворите на „Блумберг“. Балтичкото Море, некогаш клучен пат за рускиот гас преку „Северен тек 2“, требаше да го удвои капацитетот за транспорт на гас до Германија. Овој гасовод беше изграден, но никогаш не беше ставен во употреба, а на почетокот на руската инвазија врз Украина беше оштетен во експлозија, за која се верува дека била подметната како обид за саботажа. Министрите за финансии на Г7 не успеаја да постигнат договор за цените на нафтата на неодамнешниот состанок во Канада.
Прочитај повеќе
Германија најавува нови санкции за Русија за да изнуди прекин на огнот
Германија работи со сојузниците на нов пакет санкции со кои сака да ја принуди Русија да се согласи на прекин на огнот во војната со Украина.
19.05.2025
Трамп го вовлекува новиот папа во незгодна улога во војната со Русија
Во минатото Ватикан помогна во арбитрирањето на деликатните прашања од дипломатијата. Но ова ризикува да го вовлече папата во нерешлив конфликт чиј крај не е на повидок.
20.05.2025
Зеленски вели дека Украина е подготвена за разговори откако Русија ќе се согласи на примирје
„Очекуваме Русија да потврди примирје - целосно, трајно и сигурно - почнувајќи од утре, 12 мај, и Украина е подготвена да се сретне“, објави Зеленски на мрежата X
11.05.2025
Руската економија на крстопат: Дали ниските цени на нафтата можат да ги расипат воените планови на Путин?
Руската економија е погодена од тврдокорно висока инфлација (10,3 проценти) и рекордни клучни каматни стапки на централната банка (21 процент).
06.05.2025
ЕУ подготвува забрана за увоз на руски гас до крајот на 2027 година
Увозот од Русија се намали на околу 19 проценти од вкупните купувања на гас на ЕУ минатата година од повеќе од 40 проценти пред војната.
05.05.2025
Bloomberg
ЕУ разгледува нови санкции додека американскиот претседател Доналд Трамп се обидува да ги охрабри Москва и Киев да склучат мировен договор. Трамп досега се воздржуваше од воведување нови санкции врз Русија, иако неколку пати се закани дека ќе го стори тоа. Санкциите на САД воведени од времето на Бајден се сè уште на сила, а Трамп спомена дека ќе ги укине доколку преговорите дадат резултати.
Германија ги поддржа санкциите поврзани со гасоводот „Северен тек“. Германскиот канцелар Фридрих Мерц минатата недела во Рим изјави дека го поддржува предлогот на Европската комисија „да се започне со работа на европски мерки против гасоводот“, објави „Блумберг“. Забраната за работа на „Северен тек 2“ ќе го заштити Берлин како од руски, така и од американски притисок. ЕУ планира до 2027 година да престане да користи руски фосилни горива, а размислува и за проширување на санкциите врз руските танкери за нафта.
Од почетокот на руската инвазија врз Украина, ЕУ воведе дури 17 пакети санкции. Некои од нив содржат клаузули што ги штитат европските компании од арбитража поврзана со билатерални инвестициски договори, додадоа изворите.
.webp){kind=icon}
