Европската унија (ЕУ) планира да издаде предупредување за онлајн трговскиот гигант за евтина стока „Шејн“ (Shein), што ќе значи построга истрага од страна на Комисијата за заштита на потрошувачите, соопштија информирани извори.
Комисијата и националното надзорно тело во ЕУ се подготвуваат да поднесат детални жалби против популарната компанија регистрирана во Сингапур и да бараат решенија, што означува напредок во истрагата за платформата за евтина мода. Изворите, кои побараа да останат анонимни бидејќи плановите се сè уште доверливи, додадоа дека потегот на ЕУ е сè уште во фаза на предлог и може да се промени или одложи пред да биде објавен.
Овој чекор, познат како „заеднички став“, е следната фаза од истрагата што започна во февруари и се фокусира на усогласеноста на „Шејн“ со правилата за безбедност на производите и законите за заштита на потрошувачите. Доколку „Шејн“ не ги отстрани утврдените прекршувања, регулаторите би можеле да изречат казна од најмалку четири проценти од годишната продажба во засегнатите земји-членки.
Прочитај повеќе
„Шејн“ ги поскапе производите за американските купувачи - некои за дури 377 отсто
Онлајн трговците од Кина се соочуваат со царини од 120 проценти за многу свои производи, па дел од тие трошоци се обидуваат да ги префрлат на потрошувачите.
27.04.2025
„Тему“ го напушта кинескиот модел на увоз за да ги избегне царините на Трамп
Промената на „Тему“ доаѓа во време кога трговците на мало се борат не само со зголемените даноци за увоз туку и со укинувањето на ослободување од царина за мали пратки.
02.05.2025
„Тему“ и „Шејн“ нѐ водат во ера на потрошувачка култура на Тикток
„Тему“ и „Шејн“ им се закануваат на локалните продавачи со своите ниски цени.
05.11.2024
ЕУ ја воспостави Мрежата за соработка за заштита на потрошувачите, со цел да овозможи заедничка борба против онлајн платформите за кои постои сомневање дека ги кршат законите што ги штитат потрошувачите од заведувачки и измамнички практики.
И кинеската платформа „Тему“ (Temu) и американските технолошки гиганти „Епл“ (Apple) и „Мета“ (Meta) беа исто така предмет на дискусија во рамките на овој механизам минатата година.
„Шејн“, „Тему“ и други е-трговци на мало се исто така под лупа како дел од поширокиот план на ЕУ за реформа на царинските прописи со цел да се отежни влезот на евтините производи на европскиот пазар.
Претставник на „Шејн“ не одговори веднаш на прашањата, а Комисијата одби да коментира.
.webp){kind=icon}
Во моментов нема коментари за веста. Биди прв да коментира...