Францускиот претседател Емануел Макрон ја оцени одбраната на слободата на говорот од страна на социјалните мрежи како „чиста бесмислица“, истакнувајќи ги ризиците од алгоритмите кои ги водат корисниците од една до друга содржина, вклучувајќи говор на омраза. Ова е во спротивност со една од клучните цели на политиката на американскиот претседател Доналд Трамп, кој ја користи слободата на говор како оправдување за минимизирање на регулацијата на технолошките платформи.
Европски земји како Обединетото Кралство и Германија разгледуваат можност за ограничување на користењето на социјалните мрежи за деца и малолетници, при што регулаторите предупредуваат дека услугите се штетни и предизвикуваат зависност. Овие мерки би можеле да влијаат на приходите од рекламирање за компании како „Мета“ (Meta Platforms Inc.), „Снеп“ (Snap Inc.), X, „Тикток“ (TikTok) и „Јутјуб“ (YouTube).
САД го критикуваат ваквото ограничување како цензура на слободата на говорот и неодамна воведоа визни забрани за поранешен европски службеник и активисти за обиди да регулираат говор на омраза онлајн, при што државниот секретарот Марко Рубио ја оправда мерката како спротивставување на „глобалниот индустриски комплекс за цензура“.
Прочитај повеќе
Социјална мрежа без луѓе - дали ботовите се здружија против нас?
Постојат ќошеви на интернет каде што ботовите се собираат без нас. Социјалната мрежа Молтбук, моделирана по Редит, е дизајнирана така што агенти со вештачка интелигенција (ВИ) можат да разговараат помеѓу себе...
17.02.2026
Германија ќе забрани социјални мрежи за помлади од 14 години
Германските владејачки партии ќе излезат со заеднички предлог за рестрикции на социјалните мрежи
16.02.2026
„Машини“ за зависност? Судски процес што засекогаш може да ги промени социјалните мрежи
Во САД започна судски процес против „Гугл“ и „Мета“ за креирање „машини“ за зависност што манипулираат со младите умови и водат до ментални здравствени проблеми.
11.02.2026
Доминацијата на големите технолошки компании се темели на нашата мрзеливост
Фејсбук, „Гугл“, „Амазон“ и другите платформи инвестираа многу во создавање средина каде што сè е скриено од нас, па затоа префрлањето кон конкурентите се чини премногу мачно.
09.01.2026
„Без сознанија за тоа како се создава и тестира алгоритмот, и каде ќе ве води, демократските последици можат да бидат огромни“, рече Макрон во средата на самитот за вештачка интелигенција во Њу Делхи. „Некои тврдат дека се за слободата на говор – добро, ние сме за слободни алгоритми – целосно транспарентни. Слободата на говор е чиста бесмислица ако никој не знае како сте водени кон таа т.н. слобода, особено кога ве води од еден говор на омраза кон друг.“
Макрон предупреди дека Европската унија може да има судир со САД околу регулацијата на дигиталните услуги и дека земји како Франција и Шпанија би можеле да бидат цел на Вашингтон поради предлозите за забрана на социјалните мрежи за деца.
Во стратегијата за национална безбедност на САД, администрацијата на Трамп објави дека ќе се спротивставува на обиди на странски сили да „ја цензурираат нашата дискусија“ или да ја ограничат слободата на говор, истовремено поттикнувајќи „отпор кон тековната европска траекторија“ во земјите на ЕУ, што се толкува како индиректна поддршка за десничарските партии во Европа.
Макрон присуствува на самит за вештачка интелигенција во Њу Делхи, каде ја промовира визијата за повеќејазичен, регулиран пристап кон вештачката интелигенција (ВИ), кој се разликува од пазарно-ориентираниот модел на САД и државно водениот кинески модел. Посетата има за цел зајакнување на француско-индиските односи во време на поостри врски со САД под администрацијата на Трамп.
.webp){kind=icon}
