Американскиот претседател Доналд Трамп се закани дека новинари би можеле да се соочат со затворски казни доколку не ги откријат изворите на информации поврзани со чувствителната воена операција на САД во Иран. Изјавата доаѓа по објавување медиумски извештаи за сложената спасувачка мисија на двајца американски пилоти чиј авион беше соборен.
На прес-конференција одржана во понеделникот, Трамп ја опиша операцијата како „историска“ и исклучително ризична, истакнувајќи дека протекувањето информации можело сериозно да ја загрози безбедноста на вториот пилот, кој сè уште бил во опасност.
„Мора да го најдеме тој од кого протекле информации… тоа е болна личност“, изјави претседателот, додавајќи дека новинарите би можеле да бидат приведени доколку одбијат да го откријат изворот.
Прочитај повеќе
Исчезнатиот американски пилот извлечен од непријателска територија
Американските сили го спасиле пилотот кој исчезна во петокот откако Иран собори американски борбен авион.
05.04.2026
На Блискиот Исток паѓаат американски авиони, војната во Иран не се смирува
Соборен американски F-15E и урнат втор авион во Персискиот Залив ја вжештуваат ситуацијата до точка на вриење. Конфликтот меѓу САД и Иран влегува во опасна фаза, со растечка закана за глобална енергетска криза.
04.04.2026
САД спасија еден член од екипажот на борбениот авион Ф-15 соборен во Иран
Американските сили извлекле еден пилот од соборениот Ф-15, а спасувачката операција продолжува за вториот член од екипажот во Иран
03.04.2026
Според неговите зборови, мисијата опфатила масовна воена координација, со учество на десетици, па и стотици летала и персонал. Првиот пилот бил спасен во текот на дневна операција што траела околу седум часа, додека вториот, кој се криел на територија под контрола на Иран, бил извлечен по речиси 48 часа избегнување на непријателските сили.
Според Трамп, спорни се извештаите во кои се споменуваше дека првично бил спасен само еден од двајцата пилоти, бидејќи претставувале закана за обидот за спасување на другиот, претставувајќи дојава за Иранците.
„Новинарите што напишаа таква сторија ќе одат во затвор ако не го откријат изворот. И мислам дека тоа би било разбирливо за сите, ја доведоа мисијата во голем ризик.“
Трамп истакна дека операцијата вклучувала сложена стратегија на измама, при што американските сили изведувале летови над повеќе локации за да ја збунат иранската одбрана. Во текот на мисијата, дел од американската воена опрема бил уништен за да не падне во рацете на противникот.
Дополнително, американските сили извршиле воздушни напади врз ирански конвои за да го спречат нивното приближување до местото каде што се криел пилотот. И покрај високото ниво на ризик, операцијата заврши без американски жртви.
Настанот се случува во контекст на зголемени тензии и оружен конфликт меѓу САД и Иран, при што ваквите операции се сметаат за едни од најделикатните во модерното воено дејствување.
Изјавите на Трамп повторно ја отворија дебатата за односот меѓу националната безбедност и слободата на медиумите.
.webp){kind=icon}
