Ноќеска температурите паднаа до минус 15,2 степени целзиусови во Велика Британија, а обилниот снег донесе опасни услови во делови од земјата.
Метеоролошката канцеларија воведе жолти предупредувања кои покриваат големи делови од земјата откако бурата Лариса погоди одредени области со ветрови и снежни виулици.
Возачите биле повикани да седнуваат зад воланот само доколку е потребно, а некои возачи останале заглавени поради обилните снежни врнежи.
Во текот на ноќта во Велика Британија е забележана разлика во минималните температури од 20 степени, со силен мраз на север и поблаги услови на југ.
Најниската температура од минус 15,2 Целзиусови степени е забележана во Алтнахара во северна Шкотска, додека највисоката температура од 5 степени е забележана во Сванаџ, Дорсет, во јужна Англија.
Кон крајот на викендот, Метеоролошката канцеларија очекува облачноста и врнежите да се прошират на северо-исток, и да се претворат во снег на повисоките места. Температурите ќе бидат ниски, но на запад и југозапад ќе бидат многу поблаги.
Потоа врнежите од дожд, лапавица и снег ќе се движат кон североисток со разведрување од запад. На север ќе има ретки врнежи од снег.
Жолтото предупредување за снег и мраз покрива поголем дел од северна Англија и јужна Шкотска до 6 часот наутро во недела.
Метеоролошката служба предупредува дека снежните врнежи можат да предизвикаат прекин на сообраќајот во погодените подрачја, со доцнење сообраќајот поради што некои возила и патници ќе бидат блокирани.
Автобуските услуги, железничките услуги и летовите исто така може да бидат одложени или откажани.
Метеоролошката канцеларија додава дека постои мала веројатност за прекин на електричната енергија во некои погодени области.
.webp){kind=icon}