Американската морнарица му отстапи на Том Круз борбени авиони за снимањето на новиот филм „Топ Ган“. Но, тоа било под услов студиото да плаќа дури 11.374 долари на час за користење на напредните борбени авиони F/A-18 Super Hornet.
Познатиот американски актер, популарен по изведувањето на сопствените акробации во филмовите, инсистирал сите актери кои толкуваат улоги на пилоти во долго-одложуваниот филм „Топ Ган: Маверик“ да летаат со еден од борбените авиони конструирани од Боинг Ко. за да можат да разберат какво е чувството да се биде пилот кој работи под оптоварување на огромните гравитациски сили. Круз (59), исто така леташе со авион во оригиналниот „Топ Ган“, голем филмски хит во 1986 година.
Филмот излегува оваа недела по одложувањата поради пандемијата на коронавирус. Сцените биле снимени на носачот УСС Абрахам Линколн во август 2018 година за време на тренинг вежба во која учествувал и воениот авион F-35C Lightning II. Исто така се снимало и на поморската воздушна станица Лемур во Централна Калифорнија.
Super Hornet борбен авион познат и како „Носорог“, бил најплатен во филмот, па и во однос на понапредниот F-35C, затоа што тоа го барало сценариото. Покрај тоа, F-35C е авион со едно седиште, па актерите не можеле да снимаат во него.
Филмаџиите му надоместуваат на Пентагон за секој авион, освен ако тие веќе не се користат во претходно закажана вежба за обука или пак доколку летот може да се вклучи во потребното контролно време кое треба да го реализира пилотот. Во 2018 година, кога бил реализиран голем дел од снимањето за „Топ Ган: Маверик“, цената на авионите била 11.374 долари.
.webp){kind=icon}
Во моментов нема коментари за веста. Биди прв да коментира...