Креативниот директор за машка мода во „Луј Витон“, Фарел Вилијамс, ги посочи амбициите на брендот во Азија со организирање ревија под светлата на пристаништето Викторија во Хонгконг.
За потребите и по дебитантската ревија на мостот „Понт Нојф“ во Париз во јуни, американскиот музичар и дизајнер веќе приспособи и подобри некои од класичните парчиња на брендот - како чантата „спиди“ (Speedy) од крокодилска кожа, дизајн достапен само за избрани клиенти и со цена дури од милион долари (на чантата ѝ даде прекар „милионер спиди“).
Ревијата овој пат е посветена на патувањето „од Хаваи до Хонгконг“, како што рече Вилијамс, зборувајќи за Си-ен-ен само неколку часа пред шоуто. Тој ја опиша колекцијата како „многу хиперфокусирана на денди“ - изразена преку нејзиниот „морнарски“ и „ресорт“ стил, додаде тој.
Моделите шетаа по модната писта отворена по должината на Авенијата на ѕвездите - одговор на Хонгконг на Холивудската патека на славните - носејќи шешири во морнарски стил, костуми со строги линии, шорцеви и масивни чевли.
Подоцна, за време на ревијата, на пистата пристигнаа поразиграни кошули и шорцеви во тропски принт, додека моделите носеа чанти на „Луј Витон“ во весели бои.
Bloomberg
Погледнете ја галеријата
Bloomberg
Погледнете ја галеријата
Bloomberg
Погледнете ја галеријата
Bloomberg
Погледнете ја галеријата
Bloomberg
Погледнете ја галеријата
Bloomberg
Погледнете ја галеријата
Bloomberg
Погледнете ја галеријата
Bloomberg
Погледнете ја галеријата
Bloomberg
Погледнете ја галеријата
Кон крајот, небото беше исполнето со десетици дрона, формирајќи големо финале во форма на буквите LVERS - комбинација од класичниот монограм LV со зборот „lovers“, филозофијата што е во срцевината на практиката на Вилијамс, се наведува во белешките за ревијата. Сето тоа се случуваше пред околу 1.200 гости, меѓу кои беа ѕвездата на филмот „Притаен тигар, скриен змеј“, Чоу Јун-фат, и популарниот корејски актер и амбасадор на брендот Сонг Јонг-ки. Како гест за помладата генерација што троши повеќе, на настанот присуствуваа фаворитите на генерацијата зед, како што се кинескиот детски бенд „Тинс ин тајмс“ (Teens In Times) и поп-уметникот Феликс, како што јавува „Блумберг“.
Туристичката заедница на Хонгконг срдечно го поздрави и поддржа првиот моден настан на брендот „Луј Витон“, пишува „Бизнисвајр“. Ревијата беше овозможена со поддршка на Секретаријатот за култура, спорт и туризам (CSTB), Одделот за рекреација и културни услуги (LCSD), како и Туристичката заедница на Хонгконг (HKTB). Градот што, според извештајот на „Евромонитор“, бележи најголема потрошувачка по жител во светот, во последните месеци се мачи да ги врати туристите. Кампањите како „Здраво, Хонгконг“, која вклучуваше подарување на 500.000 бесплатни авионски билети, а особено ревијата на големиот бренд, се само некои од стратегиите за враќање на старата слава на градот, а во таа смисла помага и изјавата на Вилијамс во споменатото интервју за Си-ен-ен дека е среќен што неговата ревија слета токму во Хонгконг.
.webp){kind=icon}
