Денеска беше лансирана линијата за шминка „СККН бај Ким“ (SKKN by Kim) на Ким Кардашијан, а за желните обожаватели е создадена листа на чекање. Ова не е прв налет на популарната ѕвезда во светот на шминката. Во 2021 година таа го затвори бизнисот „ККВ бјути“ (KKW Beauty), кој вклучуваше широк асортиман на производи за шминка, за набрзо потоа да ја лансира линијата за нега на кожа „СККН бај Ким“.
Откако ѝ продаде 20 проценти сопственички удел на една од најголемите светски компании за убавина и глобален лидер во парфемите, „Коти“ (Coty Inc), за 200 милиони долари, се чинеше дека повеќе ја привлекуваат некои други деловни потфати, за кои „Блумберг Адрија“ објави претходно, и дека инвестицискиот фонд „СККУ парнтерс“ (SKKY Partners), фирмата што ја основа со поранешниот извршен директор на „Карлајл груп“ (Carlyle Group Inc) Џеј Самонс има единствена предност при собирањето финансиски средства.
Реалити ТВ-ѕвездата и претприемачка има 432 милиона следбеници на Инстаграм, Твитер и Тикток и успешна историја на промовирање убавина и други малопродажни брендови. Собраниот капитал од 1,1 милион долари ѝ овозможи да зачекори во светот на приватниот капитал минатиот ноември со нејзината прва аквизиција - преземањето на „Труф“ (Truff), производител на луксузни зачини збогатени со тартуфи.
Bloomberg Mercury
Кога станува збор за индустријата за убавина, многу нејзини колеги заработуваат дополнителни приходи со основање или поседување акции во познати брендови. Неодамна Памела Андерсон купи и бренд за нега на кожа – „Сонсие“ (Sonsie), а брендот „Фенти бјути“ (Fenty Beauty) на Ријана придонесе таа да стане милијардерка. Вредноста на компанијата скокна на 5 милијарди долари откако се појави три секунди за време на полувремето на Супербоул (Super Bowl LVII). Според некои извештаи, тоа е и брендот што минатата година остварил најголем приход во категоријата познати брендови. Селена Гомез го лансира брендот „Рер бјути“ (Rare Beauty) за време на пандемијата, „Гуп“ (Goop) на Гвинет Полтроу започна како билтен, додека полусестрата на Ким, Кајли Џенер со „Кајли козметикс“ (Kylie Cosmetics) има најголем број следбеници на социјалните мрежи.
Се чини дека, според многумина, најпознатото американско семејство има рецепт за привлекување на вниманието на сите околу нив, па, така, и долгогодишниот шминкер на Кардашијан, Марио Дедивановиќ, освои дел од пазарот на производи за шминка, и тоа малку пред славната ѕвезда, во 2020 година, да се истакне на официјалната страница на брендот. Со 20-годишно искуство во индустријата за убавина, неговиот бренд „Мејкап бај Марио“ (Makeup by Mario) е дистрибуиран во 2.000 продажни места и е еден од најдобро рангираните брендови во „Сефора“ (Sephora). „Сефора“ е местото каде што Дедивановиќ го започна своето патување во индустријата за убавина. Роден и израснат во Бронкс, САД, со родители албански имигранти од Црна Гора, по завршувањето на средното училиште, со мајка си заминал на Менхетн, каде што нашол работа во малопродажба во „Сефора“ како консултант за парфеми.
.webp){kind=icon}
