Модата одамна е повеќе од само ткаенини за носење - од телефони до технолошки достигнувања што се носат, сè повеќе луксузни брендови го пренесуваат својот наратив преку спојот на метаверзумот и физичкиот дизајн. Доколку сте љубители на производите на „Епл“, тогаш сте имале можност да погледнете некои од овие примери, на пример часовниците на „Хермес Епл“ (Hermès Apple).
Но никој не очекуваше дека модната индустрија ќе биде толку брзо заинтересирана за „епл вижн про“ (Apple Vision Pro), и тоа додека основниот уред сè уште не пристигнал во продавниците на мало, и поради дозирањето на „Епл“ за достапност, но и поради други фактори, за многу делови од светот - вклучувајќи го и регионот Адрија, пристигнувањето е сè уште неизвесно, како што пишувавме претходно.
„Кавијар“ (Caviar), компанија со седиште во Дубаи, позната по производството на луксузни верзии на популарни гаџети, нуди ултралуксузен „епл вижн про ЦВР едишн“ инспириран од очилата на преклоп од „Том Форд“ и маските за скијање од „Гучи“. Користениот материјал беше кожа од „Коноли“ - инаку доставувач на британскиот кралски двор и „Ролс-Ројс“ - и 18-каратно злато. Станува збор за ограничена колекција од само 24 парчиња, која се очекува да биде лансирана во почетокот на 2025 година. И ако мислевте дека цената од 3.500 долари за „епл вижн про“ е висока, се предвидува дека овие примероци ќе чинат 40.000 долари, иако на официјалната веб-страница на компанијата пишува дека цената е по барање. За да заработи дополнителни пари од оваа модно-технолошка реткост, компанијата неодамна објави специјален модел на „ајфон 15 про макс“ на „Епл“ инспириран од овој дизајн, кој чини 8.060 долари, а достапни се само 99 единици.
Документарниот филм „Кој е Сабато де Сарно? Приказната на Гучи“ (Who is Sabato De Sarno? A Gucci Story) ќе биде објавен на „Еп стор“ на 3 април, а во моментов е достапен за гледање на платформата Муби, објави на својот линкдин-профил Микаел Бариларо, потпретседател за иновативни потфати на „Гучи“. Тој наведува дека „Гучи“ разви уникатна верзија на документарецот само за уредите „вижн про“.
Depositphotos
Филмот, во режија на Ариел Шулман и Хенри Јост, дава увид во создавањето на модната ревија на „Гучи Анкора“, премиерното шоу на новиот креативен директор на куќата „Сабато де Сарна“, за што претходно пишуваше „Блумберг Адрија“. „Нашата проширена верзија на документарецот им овозможува на гледачите да го трансформираат својот простор и да се нурнат во убавината и уметноста на ’Гучи Анкора’ додека комуницираат со 3Д-елементите“, пишува Бариларо.
Но луксузните брендови не се единствените што го прифатија новиот уред на „Епл“, туку го прифатија и онлајн продавниците за луксузна стока. Тие ги гледаа технолошките перформанси на уредот како придонес и иновативен начин за корисниците да комуницираат и да ги искусат нивните омилени брендови и колекции.
„Сток икс“ (StockX), компанија со седиште во Детроит што продава патики, облека, електроника и колекционерски предмети, објави во соопштение претходно месецов дека ќе воведе апликација за корисниците на „епл вижн про“. Со апликацијата, корисниците можат да гледаат 3Д-модели на патики што се појавуваат на полиците во нивната домашна средина. Тие исто така можат да ги прелистуваат достапните производи, да пристапуваат до содржината генерирана од корисниците и да пристапат до податоците на пазарот во реално време. Клиентите можат да купат со неколку физички гестови.
Апликацијата за онлајн продавницата „Мај Тереза“ (MyTheresa), лансирана во февруари, им овозможува на корисниците дигитално да патуваат, на пример, во Капри и Париз за да ја истражат совршената гардероба од брендови како „Лоеве“ (Loewe), „Валентино“ (Valentino), „Сен Лорен“ (Saint Laurent) и многу повеќе.
„Во ’Мај Тереза’ ние цврсто веруваме дека продажбата на луксузни производи бара емоции и уникатни искуства за клиентите. Затоа станавме познати по создавањето вистински искуства што парите не можат да ги купат за нашите најдобри клиенти“, рече Мајкл Клигер, извршен директор на „Мај Тереза“, наведува „Фешн нетворк“ (Fashion Network).
Depositphotos
Апликацијата е создадена во партнерство со „Обсес“ (Obsess), извонредна платформа за купување и за развој на „вижнОС“ (visionOS). Тие исто така учествуваа во креирањето на првата апликација во индустријата за убавина „јор бест е.л.ф“ (your best e.l.f.), која вклучува уникатни карактеристики дизајнирани специјално за „епл вижн про“.
Искуството ги охрабрува корисниците да се релаксираат и да ги истражуваат најдобрите верзии од себе преку забавни, инспиративни средини што го контекстуализираат разновидниот асортиман на 3Д-производи на „e.л.ф“. Покрај купувањето со „Епл пеј“, корисниците можат да учествуваат во релаксирачки активности за да бидат „јор бест е.л.ф“. Како водни медитации, вежби за истегнување и интерактивната игра „Боја по броеви“.
„’Јор бест е.л.ф’ е револуционерно искуство за убавина што ги поканува корисниците да се релаксираат, да се ослободат од стресот и да се фокусираат на тоа да бидат најдобрата верзија од себе“, наведе Екта Чопра, главен дигитален директор во „е.л.ф бјути“ (Beauty), во соопштението со кое го најави лансирањето на апликацијата и додаде дека оваа одлука е природна за нив, имајќи предвид дека тие се дигитално управуван бренд за кој е од клучно значење да се задоволи нивната заедница – и да се забавува – „каде и да е“.
.webp){kind=icon}
Во моментов нема коментари за веста. Биди прв да коментира...