Голем број фанови кои што вчера нестрпливо го очекуваа објавувањето на финалето на сезоната на „Stranger Things“ на „Нетфликс“ (Netflix) доживеаа разочарување откако имаше прекин на мрежата поради преоптоварување од огромен број корисници.
Повеќе од 16.000 прекини беа пријавени низ глобалната мониторинг услуга „Даундетектор“ (Downdetector) на полноќ. Прекинот бргу бил надминат, а компанијата одби да коментира за проблемот.
„Stranger Things 4“ стана најпопуларната ТВ серија на „Нетфликс“ на англиски јазик со 781,04 милиони прегледани часови во првите три недели.
Серијата во која главните улоги ги толкуваат Мили Боби Браун, Фин Волфхард и Винона Рајдер е во етерот од 2016 година. Поради големата популарност, заработката на главните актери оттогаш значително се зголеми.
Така, Рајдер, која ја игра Џојс Бајерс, земала 100.000 долари по епизода во првата сезона, додека во четвртата сезона заработувала 350.000 долари по епизода, според „Deadline“. Од друга страна, Браун заработувала 10.000 долари по епизода како 12-годишно девојче, според веб-страницата Celebrity Net Worth, додека во третата сезона заработувала 300.000 долари по епизода.
Четвртата сезона на „Stranger Things“ влезе во историјата како најбуџетната серија на телевизија досега. Една епизода со многу специјални ефекти и постојано растечка актерска екипа чини 30 милиони долари. За споредба, во екот на популарноста на серијата „Пријатели“, една епизода ги чинела продуцентите 10 милиони долари.
Bloomberg
„Нетфликс“ очекува да заработи 7,9 милијарди долари во вториот квартал од оваа година, што би било зголемување на приходите од 9,8 отсто во споредба со вториот квартал од минатата година. Оваа платформа за видео содржини забележа голем успех за време на пандемијата на Ковид 19 кога повеќе луѓе почнаа да гледаат филмови дома.
Сепак, акциите на „Нетфликс“ драстично паднаа оваа година, откако компанијата во првиот квартал објави дека забележала пад на претплатниците за прв пат по 10 години. Како резултат на напуштањето на Русија, 700.000 руски претплатници го загубија пристапот до платформата, па вкупниот број на претплатници на „Нетфликс“ во првите три месеци од оваа година падна за 200.000. Покрај тоа, компанијата објави дека очекува намалување за два милиони претплатници во вториот квартал, што е значителна загуба.
Bloomberg Chartmaker
.webp){kind=icon}