Сакате да готвите, но немате време? Не сакате или не знаете да готвите, но сакате добар оброк? Дали се борите да најдете нискокалорични опции во рестораните и дома? Ако сте спремни да експериментирате и имате 50 илјади фунти, вашите проблеми би можеле да добијат трајно решение.
„Моли роботикс“ (Moley Robotics), првата кујна контролирана од робот, ви овозможува да заштедите време и да се ослободите од познатото прашање: „Што да зготвам денес?“. Исто така, интегрираната технологија овозможува прилагодување на менито на различни диети и начин на живот, уживање во интернационална кујна, контрола на внесот на калории и добивање совети и рецепти од готвачи од целиот свет.
Moley Robotic Kitchens
Не само што роботот готви целосни оброци, туку ве известува кога да ги замените состојките, предлага јадења врз основа на состојките што ги имате на располагање и учи што сакате.
Сè што треба да направите е да бидете асистент во кујната, да ја набавите, односно да ја исецкате и организирате храната (поради одредени здравствени и безбедносни прописи, роботот не може да користи нож) и да ја ставите во садовите по редослед што однапред ви го предлага апликацијата според избраниот рецепт. Од тој момент заборавете на случувањата во кујната додека вашиот идеален готвач не ви каже дека јадењето е готово.
„Моли роботикс“, основана во 2014 година од лондонскиот научник Марк Олејник, користи роботска технологија која може верно да ги репродуцира движењата на човечката рака, што овозможува да се зготви сè што може и вистински готвач. Интеграцијата со кујнските апарати и автоматските механизми му овозможува на роботот да ги контролира и користи овие уреди на најефикасен начин.
Moley Robotic Kitchens
Со софтверот, кој моментално во базата на податоци има повеќе од 100 оригинални рецепти и нивни варијанти, оброците добиваат перспектива на забава и учење бидејќи тие исто така вклучуваат попребирливи деликатеси и јадења од меѓународната кујна, како што се ало гоби, јагнешки котлети по рецепт на Ендрју Кларк, рижото од карфиол со шитаке печурки, аспарагус и тарагон, но и рибај стек кој може да се подготви по ваш вкус.
Олејник вели дека една од предностите на роботот е тоа што нема временски ограничувања. Роботот е секогаш достапен и не се меша со редовните настани во кујната. Кога сакате готвачот да се одмори, вие ја преземате контролата.
Што се однесува до комерцијалната употреба, тоа меѓу другото значи дека готвачите нема да мора да работат ноќна смена.
Moley Robotic Kitchens
Олејник го гледа натамошниот раст на оваа категорија во уште понапредни и поевтини верзии кои на крајот ќе се развијат во напредна опција со прифатлива цена.
Дознајте повеќе во приложеното видео, а доколку ве интересира деталниот процес, резервирајте го вашето место за онлајн кулинарскиот настан на 14 јуни и подобро запознајте го роботот-готвач Моли.
.webp){kind=icon}
