Blue: Art for Oceans (Сино: уметност за океаните) е иницијатива создадена преку соработка помеѓу уметничкиот свет и конкретните акции за заштита на животната средина. Еден од најважните моменти на овој настан е моќната фотографија, прва од едицијата од три примероци (плусдве авторски проби), направена за време на уникатниот перформанс на познатата српска уметница Марина Абрамовиќ во мај 2024 година.
Оваа изведба, наречена „Перформанс за океаните“ (Performance for the Oceans - 2024), е снимена на островот Фајр крај Њујорк. Делото покажува дека Абрамовиќ им дава безусловна љубов и енергија на океаните, нагласувајќи ја итната потреба за нивно зачувување. Изведбата е создадена како дел од иницијативата на фондацијата „Блу Марин“ (Blue Marine), која има за цел да ги заштити океаните и да ја истакне нивната витална улога во екосистемот. Добротворната организација е посветена на обновување на најмалку 30 отсто од океаните до 2030 година.
„Мојот перформанс во рамките на Blue: Art for Oceans ја комбинира мојата уметничка визија со еколошката свест. Околу 70 проценти од нашата планета е покриена со вода, но нашите океани не се соодветно заштитени. Застанав на островот Фајр во црвен фустан за да му ја дадам мојата безусловна љубов и енергија на океанот“, изјави Марина Абрамовиќ. „Сите сме одговорни за океанот, а како човечки колектив имаме поголема свест и енергија што можеме да ја дадеме на животната средина“, нагласи Абрамовиќ.
Други светски познати уметници вклучени во оваа иницијатива меѓудругите се Јошитомо Нара, Едмунд де Вал, Лидија Блејкли и Џонас Бургерт.
Аукциската куќа „Кристи“ се приклучи на проектот „Блу Марин“. Делата кои се дел од оваа иницијатива ќе бидат претставени во галериите на „Кристи“ во Лондон, а ќе се совпаднат со ревијата на уметноста од 20 и 21 век во октомври, како дел од Неделата на „Фриз“, еден од најпрестижните саеми за уметност.
Сите приходи од продажбата на овие дела ќе бидат наменети за фондацијата „Блу Марин“.
Кетрин Арнолд, потпретседателка во „Кристи“ задолжена за уметноста во 20 и 21 век и шефица на одделот за повоена и современа уметност во Европа во неодамнешната изјава рече дека изведбата на Марина Абрамовиќ ги истакнува колективните напори и заедничката одговорност потребни за зачувување на нашата клима. „Горди сме што го презентираме ова дело заедно со други возбудливи дела за да продолжиме да инспирираме системски промени на пазарот на уметност, активно да работиме на изградба на поодржлива иднина и да создадеме позитивно влијание преку нашите партнерства.
Најпознатата српска перформанс-артистка е позната по тоа што не ги продава своите инсталации, па фановите и колекционерите мора да се задоволат со фотографии или видео документација за кои е неопходно да се издвојат од 30 до 100 илјади долари, како што претходно објави „Блумберг Адрија“. Рекордот на аукцијата за нејзините дела се случи во октомври 2020 година, кога „Кристи“ ја продаде инсталацијата „Животот“, што првпат беше прикажана во галеријата „Серпентин“ во Лондон во 2019 година. Иако постигна продажна цена од 287.000 фунти, оваа бројка беше далеку под проценетата.
.webp){kind=icon}
Во моментов нема коментари за веста. Биди прв да коментира...