Хонг Конг е најскапото место за работа на иселениците, се наведува во новата студија која ги споредува цените на 200 стоки и услуги во повеќе од 400 градови.
Швајцарија е веднаш зад Хонг Конг, и тоа со четири градови – Цирих, Женева, Базел и Берн, кои се рангирани од второто до петтото место во истражувањето за трошоците за живот за 2022 на Mercer’s.
Три други азиски градови – Сингапур, Токио и Пекинг, ја сочинуваат првата десетка, пополнувајќи го осмото, деветото и десетото место. Високото рангирање на градови од Азија се должи на инфлацијата и силните валути, пишува во извештајот.
На другиот крај на табелата, најевтини градови за живот на иселениците се Анкара во Турција, Бишкек во Киргистан и Душанабе во Таџикистан
Освен ова во извештајот на Mercer стои:
- Тел Авив во Израел, е на шестото место најскапи градови на Средниот Исток
- Њу Јорк е на седмо место најскап град на американскиот континет
- Лондон е на 15 – то место
- Четири кинески грдаови се во групата топ 20 заради силниот јуан
- Јапонските и Корејските градови станаа попристапни заради послабите валути
Според извештајот, глобалните проблеми, вклучувајќи ги и Ковид 19, војната во Украина, промените во курсот на валутите и широко распространетата инфлација ги погодуваат работничките плати и заштеди, а бројот на иселениците во Азија во последната година и половина се намали.
Tracey Ma, регионалниот лидер на Mercer’s за азиско- пацифичкиот регион, вели дека недостигот на таленти во развиените земји кои се потпираат на странски работници ќе стане уште поголем заради високите животни трошоци.
„Меѓународните шеми се развиваат побрзо од порано“, вели Ма. Таа додава дека порастот на работата од далечина и флексибилноста значи дека компаниите треба да го сменат својот пристап во менаџирањето на глобалната работа сила за да ги привлечат и задржат талентите, но и да обезбедат ефикасност во трошењето.
Mercer во ова истражување ги мереше компаративните трошоци на повеќе од 200 ставки меѓу кои одржување домаќинство, транспорт, храна, облека, стоки и забава за домаќинството.
Ова се топ 50 најскапи градови за странските работници:
Хонг Конг, Кина
Цирих, Швајцарија
Женева, Швајцарија
Базел, Швајцарија
Берн, Швајцарија
Тел Авив, Израел
Њујорк, САД
Сингапур
Токио, Јапонија
Пекинг, Кина
Конехаген, Данска
Шангај, Кина
Шензен, Кина
Сеул, Јужна Кореја
Лондон, Обединетото Кралство
Насау, Бахами
Лос Анџелес, САД
Гангзоу, Кина
Сан Франциско, САД
Хонолулу, САД
Виена, Австрија
Кингдао, Кина
Бангуи, Централна Африканска Република
Либервил, Габон
Амстердам, Холандија
Нанџинг, Кина
Осло, Норвешка
Тајпеј, Тајван
Вашингтон, САД
Бостон, САД
Дубаи, ОАЕ
Мајами, САД
Минхен, Германија
Бусан, Јужна Кореја
Париз, Франција
Чикаго, САД
Oсака, Јапонија
Викторија, Сејшели
Брисел, Белгија
Шенјанг, Кина
Џибоути
Атланта, САД
Хелиснки, Финска
Шенгду, Кина
Сиетел, САД
Берлин, Германија
Хаг, Холандија
Милано, Италија
Даблин, Ирска
Јокохама, Јапонија
.webp){kind=icon}
