„Њу Баланс“ (New Balance), бренд долго време познат по своите патики за трчање, влегува на кошаркарската сцена, а нивниот избор е 18-годишниот Купер Флег, крилен играч висок 206 см од Универзитетот Дјук. Ова е ретка можност некоја компанија, освен „Најк“ (Nike), да се поврзе со следна голема ѕвезда во кошарката.
„Њу Баланс атлетикс“ (New Balance Athletics Inc.) планира повторно да го лансира својот кошаркарски бизнис на почетокот на следната година со нови производи и маркетиншка кампања. А Флег, кој потпиша со брендот пред да го одигра својот прв колеџ-натпревар, ќе биде клучен дел од тоа. Компанијата веќе продава облека со натписи „Денот на Флег“ (Flagg Day) и го прикажува во реклами.
Раководителите се обидуваат да ја направат „Њу Баланс“, компанија во семејна сопственост што не котира на берза, еден од трите водечки бренда за спортска облека во светот, иако е далеку зад поголемите конкуренти „Најк“ и „Адидас АГ“ (Adidas AG). За да го направи тоа, компанијата мора да го престигне германскиот конкурент „Пума“ (Puma SE). Приходите на „Њу Баланс“ стигнаа до 7,8 милијарди долари во 2024 година, помалку од 9,5 милијарди долари на „Пума“. На „Њу Баланс“ му е потребен силен кошаркарски бизнис за да ја постигне таа цел и планира да инвестира повеќе во спортот, рече Навин Локеш, директор на глобален маркетинг за кошарка и фудбал во компанијата.
Прочитај повеќе
Тениската суперѕвезда Роџер Федерер – милијардер без скандали
За време на 24-годишната кариера тој заработи 130,6 милиони долари од награди.
28.06.2025
Нов сопственик, нова ера - Лука Дончиќ пред историски договор
Во игра се неколку опции, а словенечкиот репрезентативец не може да склучи нов договор пред 2 август.
27.06.2025
Задржете го здивот, отворете го умот - зошто сè повеќе бизнисмени сакаат слободно нуркање
Обуката за слободно нуркање е многу повеќе од спортски предизвик - тоа е процес што го менува начинот на кој размислуваме, дишеме и реагираме под стрес.
26.06.2025
Една година до СП во фудбал: Билетите се тука, ама (сè уште) не се твои
Уште една година до Светското првенство во фудбал, а навивачите низ светот се во необична позиција: може да купат ВИП-билети за финалето во Њу Џерси за повеќе од 70.000 долари, но не може да резервираат обичен билет за групната фаза.
25.06.2025
Како спортот станува златна карта на светскиот туризам
Спортот и туризмот се совршен спој за бизнис сектори со висок мултипликатор.
12.06.2025
Како спортските клубови станаа инвестициски бисери
Деновите кога професионалните спортски франшизи беа резервирани за локални милијардери, филмски ѕвезди и нафтени тајкуни полека исчезнуваат.
03.06.2025
„Тој ќе биде единствениот играч што го имаме на годинашниот драфт“, рече Локеш. „Тоа беше намерна одлука. Не најдовме никого што беше толку усогласен со нашите вредности како Купер“.
Доминација на „Најк“: изминатата деценија брендот успеа да потпише со најмногу топ пикови на драфтот на НБА-лигата. Извор: Bloomberg Mercury
Далас Маверикс го имаа првиот пик на драфтот и им требаше помош по катастрофалната сезона во која НБА-тимот ја размени својата ѕвезда Лука Дончиќ и притоа претрпе поголема штета одошто доби корист.
Флег влегува во лигата по спектакуларна прва година на колеџ. Тој освои повеќе награди за играч на годината и го предводеше Универзитетот Дјук до фајналфорот на НЦАА-турнирот. Тој има многу поголемо медиумско присуство од неодамнешните први пикови, кои или играле во странство или немале сличен успех на теренот. „Њу Баланс“ одби да овозможи интервју со Флег за оваа сторија.
Суперѕвездата на НБА, Леброн Џејмс, неодамна го пофали Флег во својот поткаст, фалејќи ги неговиот атлетизам и сестраност. „Мислам дека ќе биде неверојатен“, рече Џејмс.
„Њу Баланс“ се појави како неочекуван победник во битката за Флег. „Најк“, „Адидас“ и најмалку еден кинески бренд за спортска облека дадоа понуди до семејството на Флег, според лице запознаено со ова прашање. „Најк“ и „Адидас“ не одговорија на барањата за коментар. Финансиските детали од договорот не беа откриени.
Раководителите на „Њу Баланс“ почнаа да го разгледуваат Флег како опција кон крајот на 2023 година, откако најдобриот средношколец во земјата објави на насловната страница на списанието „Слем“ (Slam) дека ќе игра за Дјук. Флег, кој потекнува од мал град во Мејн во близината на една од фабриките на „Њу Баланс“, веднаш стана привлечен за брендот со седиште во Бостон.
Флег се приклучува на списокот на спонзорирани играчи предводени од двократниот шампион на НБА, Кавај Леонард, кој има своја линија на кошаркарски патики со потпис. Други амбасадори на брендот се Џамал Мареј, Дариус Гарланд и Тајрис Макси. Локеш рече дека брендот еден ден би можел да развие модел на патики со потпис на Флег.
Патот на Флег до договор со „Њу Баланс“ досега беше доста компликуван. Тој носеше „најк“ во текот на целата негова колеџ-кариера, бидејќи компанијата има договор со Дјук, а дури во мај за првпат носеше патики „њу баланс“ на натпреварот по драфт на НБА.
Раководителите не се обесхрабрени од тие пречки. Како дел од нивниот обид да го зајакнат своето присуство во кошарката, тие планираат да ангажираат повеќе млади ѕвезди на колеџ-кошарката, преку договори засновани на името, имиџот и препознатливоста, и така да се обидат рано да ги препознаат идните ѕвезди на драфтот.
„Купер можеше да избира меѓу сите големи брендови“, рече Локеш. „Сакаме да бидеме препознаени како прв избор за најталентираните млади спортисти во светот“.
.webp){kind=icon}
Во моментов нема коментари за веста. Биди прв да коментира...