На крајот од кариерата, врвните спортисти избираат меѓу две стратегии. Едната е „златен излез“ — Саудиската Про лига и, со поинаква логика, американската МЛС, каде платите, даночниот третман и комерцијалните пакети нудат рекордни суми.
Другата е „наследството“ — останување во елитно натпреварување, собирање трофеи и зацврстување на статусот во историјата.
Лука Модриќ и Новак Ѓоковиќ го претставуваат вториот пат. Сергеј Милинковиќ-Савиќ, Александар Митровиќ и Марсело Брозовиќ, пак, ја избраа првата варијанта и ја искористија Саудиска Арабија како институционален проект на ПИФ.
Прочитај повеќе
Фудбалот троши рекордни милијарди: Шешко, Батурина и Максимовиќ меѓу ѕвездите
Летниот преоден рок во 2025 година постави рекорди со 8,8 милијарди евра глобално и 2,6 милијарди во Премиерлигата, со креативни договори и подем на таленти од регионот Адрија.
03.09.2025
Мароко домаќин на СП 2030 – како фудбалот навистина игра за економијата
Мароко првпат станува домаќин на Светско првенство во фудбал и веќе е јасно дека овој настан е многу повеќе од спорт, тој е поттик за инфраструктура, туризам и економија.
02.09.2025
Отсега пренос на Бундеслигата и на Јутјуб: Инфлуенсер го урива вечниот ТВ-монопол
Бундеслигата стана првата голема европска фудбалска лига што им доделува дел од своите права за пренос во живо на креаторите на содржини.
31.08.2025
Саудискиот план не е импровизација. Во 2023 година, ПИФ (Јавниот инвестициски фонд) презеде контролни удели во „големата четворка“ на Саудиската Про лига — Ал-Хилал, Ал-Наср, Ал-Итихад и Ал-Ахли. Со тоа се отвори простор за доведување ѕвезди како Кристијано Роналдо, Нејмар и Бензема, но и бран играчи од регионот.
Саудиска Арабија: бруто = нето
Мотивот е јасен: Саудиска Арабија не го даночи доходот од работен однос кај физички лица. Ефектот „бруто = нето“ значи дека истиот договор вреди двојно повеќе отколку во Италија, Шпанија или Англија.
Милинковиќ-Савиќ замина од Лацио за околу 40 милиони евра трансфер, со годишна плата проценета на 25 милиони евра. Митровиќ премина од Фулам во Ал-Хилал за околу 55–58 милиони евра, додека Брозовиќ од Интер во Ал-Наср пристигна за 18 милиони, со една од највисоките плати во Саудиската Про лига. Митровиќ веќе се наоѓа на слична блиска адреса — во Катар.
Ризиците на теренот се помали, финансиската сигурност е огромна, но цената може да биде ерозија на репутацијата и личниот бренд. Краткиот престој на Џордан Хендерсон во Ал-Етифак и неговото враќање во Ајакс се најдобра илустрација за тој ризик.
МЛС: Повеќе од пензија
МЛС еволуираше. Правилото „Designated Player“ дозволува три договори над платниот лимит. Доаѓањето на Меси во Интер Мајами во 2023 го покажа новиот модел кој вклучува дел од приходите од „Епл сизан пас“ договори со „Адидас“ и опција за сопственички удел.
За разлика од Саудиска Арабија, МЛС се продава како „платформа за раст“, каде ѕвездите не се само вработени, туку и акционери во идната вредност на лигата.
Премија за наследство: Модриќ и Ѓоковиќ
Спротивно на тоа, Модриќ му даде уште неколку години на Реал, а кариерата ја продолжува во Милан, следејќи ја истата логика за наследството. Медиумите пренесоа дека претходно одбил саудиска понуда од 200 милиони евра и го продолжил договорот со Реал до летото 2025. За него, вредноста доаѓа од минутите во врвен систем и трофеите што го водат кон статус на најголем играч од средниот ред на својата ера, и еден од најдобрите на сите времиња.
Новак Ѓоковиќ всушност и не се наоѓа пред избор меѓу Саудиска Арабија и АТП турнејата. Иако Ријад вложува милијарди во тенисот — од Некст ген АТП Фајналс до ВТА Фајналс во Ријад, како и партнерствата на ПИФ со АТП и ВТА — Ѓоковиќ останува на турнејата.
Неговиот фокус останува непроменет: рекорден број Гренд слем титули, победи и турнири. Повремените егзибициски настапи во Саудиска Арабија носат приход, но не ја менуваат суштината — за разлика од фудбалерите, тој останува во рамките на компетитивниот календар и го гради наследството преку резултати, а не преку локација.
Таквиот пристап отвора простор за долгорочна монетизација преку издавње книги, снимање документарци, потпишување амбасадорски договори, сопственички удели. Оставнината не е само трофеј — таа е капитал.
Регионот како експериментална лабораторија
Нашите спортисти избираат и во двете насоки. Едни тргаат по нето приходи во Саудиска Арабија, други бркаат бесмртност преку трофеи и рекорди. Во двата случаи, завршницата на кариерата не е само спортска одлука, туку софистициран финансиски инженеринг.
Во глобалниот спорт, прашањето веќе не е „колкав е последниот договор“, туку колку долго трае вредноста на името по последниот допир со топката или последниот меч.
.webp){kind=icon}
