„Опен Еј-Ај“ глобално го лансира својот врвен ВИ модел

„Опен Еј-Ај“ ќе го објави својот најнапреден модел во четврток и ќе го прошири претпрегледот глобално, соопшти компанијата.

„Опен Еј-Ај“ првично ја објави верзијата на ГПТ‑5.6 само за избрани партнери, следејќи го притисокот од администрацијата на Трамп да го пушти постепено. Владата во меѓувреме ги укина ограничувањата на платформата, објави „Аксиос“ („Axios“). Лансирањето оваа недела доаѓа со зелено светло од американското владино раководство, изјави портпарол на „Опен Еј-Ај“. 

Овој потег доаѓа откако ривалот „Антропик“ („Anthropic“) се судри со Вашингтон околу можната злоупотреба на неговите модели Митос (Mythos) и Фејбл (Fable). Тие беа ставени под необични ограничувања за извоз од страна на Министерството за трговија - кои на крај беа укинати по обемни консултации. Таа акција се одрази врз целата индустрија за вештачка интелигенција и отвори прашања за тоа колку контрола ќе имаат владите врз најнапредните ВИ технологии. 

Портпарол на Министерството за трговија не одговори на барањата за коментар. 

Семејството ГПТ‑5.6 на модели за вештачка интелигенција од „Опен Еј-Ај“ се состои од три нивоа. Врвниот производ Сол (Sol) е најмоќен, Тера (Terra) е избалансиран за секојдневна работа и чини половина по токен, а Луна (Luna) е дизајнирана да биде брза и достапна, според компанијата. Потписниот „Чет ГПТ“ („ChatGPT“) на „Опен Еј-Ај“ е изграден врз основата на ГПТ, која ја користат и други развивачи за создавање алатки и услуги за вештачка интелигенција. 

 

– Со помош од Меги Истленд