Младите Американци се сѐ повеќе скептични кон ВИ, плашејќи се дека ќе им ја земе работата

Најмладите припадници на работната сила во САД се сè повеќе скептични во врска со вештачката интелигенција (ВИ), плашејќи се дека напредокот во технологијата ќе доведе до широко распространети загуби на работни места, според анкетата на истражувачкиот центар Пју (Pew Research Center).

Поголемиот дел од возрасните под 30 години велат дека се повеќе загрижени отколку возбудени за ВИ за прв пат откако Пју почна да ја спроведува оваа анкета. Тоа се совпаѓа со повеќето други возрасни групи, но најмладиот слој впечатливо еволуирал од најзаинтересиран за потенцијалот на ВИ до најскептичен кон технологијата, според податоците од јуни.

Речиси три четвртини од возрасните во таа група, исто така, сметаат дека технологијата ќе значи помалку достапни работни места, во споредба со 61 отсто пред две години, според анкетата.

Наодите се уште еден доказ за комплексниот однос на помладите Американци со вештачката интелигенција. Тие се меѓу најчестите корисници на технологијата, но исто така влегуваат на пазарот на  работна сила токму ВИ  се заканува да ги еродира пониските позиции кај работодавачите,  коишто конвенционално обезбедуваат упориште на пазарот на трудот.

Расте загриженоста околу влијанието на ВИ врз пазарот на работна сила кај младите Американци

 

Нивната загриженост одекнува низ целата популација, при што повеќе од половина од Американците велат дека се загрижени околу вештачката интелигенција, според Пју. Сепак, оние кои се добро етаблирани на работното место се сè повеќе позитивни во однос на ВИ, давајќи им тежина на теориите дека технологијата им користи на оние со искуство.

Тешко е да се квантифицира прецизното влијание на ВИ врз вработувањето во САД, бидејќи бумот во усвојувањето на технологијата се совпаѓа со  периодот на ослабена  економија. Технологијата, исто така,  може да автоматизира и некои делови од работата, но не сите. Постојат индикации дека вработувањето во делот на пониските позиции е забавено, а американските менаџери отворено зборуваат за заштеда на пари преку ВИ со автоматизирање на некои делови од работната сила.