Илон Маск ги натерал инженерите на „Твитер“ да работат доцна во неделата за да го променат алгоритамот на неговата социјална мрежа и да им дадат приоритет на неговите твитови, што резултирало со пренатрупаност со нив во фидовите на корисниците во понеделникот, според извештај на „Платформер“ (Platformer).
Се наведува дека милијардерот и сопственик на „Твитер“ наводно не бил задоволен од бројот на прегледи на неговиот твит за Супербоул. Како резултат на неговото барање, Твитер ги исклучил твитовите на Маск од филтрите дизајнирани да го подобрат квалитетот на фидовите на корисниците, пренесува „Платформер“, и вештачки ги засилил за фактор од 1.000. Корисници на Твитер се пожалиле дека виделе изобилство титови од сопственикот на денот по Супербоул.
Пораката на Маск за поддршка на Филаделфија иглс во неделата доби значително помало внимание отколку кога американскиот претседател Џо Бајден сподели сличен став. Шефот на компанијата е сè повеќе фокусиран - и фрустриран - од неговите лични статистики, кои се намалуваат во последните недели, се наведува во извештајот. Маск има речиси 129 милиони следбеници, додека налогот на Бајден има 37 милиони.
Пред да ја преземе приватно компанијата, со договор од 44 милијарди долари во октомври, главниот извршен директор на „Тесла“ (Tesla Inc.) зборуваше за својата желба да ја направи платформата рамномерно поле за игра и да ја елиминира пристрасноста во системот.
„Твитер“ веднаш не одговорил на барањето за коментар испратено преку е-пошта. Маск твитна за Твитер и неговата функционалност по објавувањето на извештајот, но не се осврна на неговата содржина.
Претходно, тој твитна меме што сугерираше дека неговите твитови ќе бидат насилно туркани кон корисниците на Твитер. Тој исто така нагласи дека компанијата прави корекции на алгоритамот.
.webp){kind=icon}
