text size
Социјалната мрежа „ТикТок“ (TikTok) е казнета со 345 милиони евра за кршење на законите за приватност поврзани со обработката на личните податоци на децата во Европската унија, соопшти во петокот највисокиот регулатор на Европската унија.
Платформата која служи за објавување на кратко видео во кинеска сопственост, која рапидно расте во популарност кај тинејџерите ширум светот, прекршила голем број закони на ЕУ за приватност помеѓу 31 јули 2020 и 31 декември 2020 година, се вели во соопштението на ирската Комисија за заштита на податоци (ДПЦ).
Ова е првпат „ДПЦ“, која е водечкиот регулатор на ЕУ за многу важни светски технолошки компании, да го казни „ТикТок“ во сопственост на „Бајтденс“ (ByteDance). Голем број глобални компании ја избраа Ирска како регионален центар, така што „ДПЦ“ е еден од клучните регулатори. Портпаролот на „ТикТок“ објави дека не се согласува со одлуката, особено со висината на казната и дека најголем дел од критиките не се повеќе релевантни бидејќи платформата воведе мерки пред да започне истрагата на „ДПЦ“ во септември 2021 година.
Bloomberg
„ДПЦ“ тврди дека, меѓу другото, во 2020 година, „ТикТок“ стандардно ги поставил сметките на корисниците на возраст под 16 години за „јавни“ и дека „ТикТок“ не потврдил дека корисникот всушност бил родител или старател на детето во случај на поврзување на сметката. „ТикТок“ додаде построги родителски контроли во ноември 2020 година и ја смени стандардната поставка за сите регистрирани корисници под 16 години на „приватна“ во јануари 2021 година, пренесува „Ројтерс“.
Од платформата „ТикТок“ во петокот соопштија дека планираат дополнително да ги ажурираат поставките за приватност за да направат разликата помеѓу јавните и приватните сметки и дека приватната сметка ќе биде стандардна поставка за новите корисници на возраст од 16 до 17 години кога ќе се регистрираат на апликацијата.
.webp){kind=icon}
