.webp){kind=icon}
Македонија има најбрз интернет во регионот, а е меѓу подобро рангираните земји и во Европа, покажува истражувањето на „Кејбл“ (Cable.co.uk), кое го објави статистичкиот портал „Ландгеист“ (Landgeist).
Со брзина на интернет-конекциите од 97,9 мегабити во секунда (Mbps), Македонија е пред Словенија (97,0 Mbps), Србија (60,5 Mbps), Косово (57,3 Mbps), Грција (53,9 Mbps), Црна Гора (49,5 Mbps), Босна и Херцеговина (44,0 Mbps) и Бугарија (40,4 Mbps).
Landgeist
Најбрз интернет во Европа има на островот Џерси (264 Mbps), кој е лоциран меѓу Велика Британија и Франција, па следуваат Лихтенштајн (246,8 Mbps) и Исланд (229,4 Mbps).
Во Франција брзината на интернетот е 152,5 мегабити во секунда, во Холандија 142,5 Mbps, во Шпанија 133,3 Mbps, а во Германија 81,7 Mbps.
Најбавен интернет во Европа имаат Хрватска (25,7 Mbps), Албанија (25,4 Mbps) и Турција (24,8 Mbps).
Податоците на „Кејбл“ се базираат на анализа на над 1,5 милијарда теста за брзина на широкопојасен интернет во 229 земји, во текот на 12 месеци, завршувајќи на 30 јуни 2024 година.
