Основачот и извршен директор на „Спејс екс“ (SpaceX), Илон Маск, откри дека планира да го лансира џиновскиот ракетен систем „Старшип“ (Starship) во март.
„Ако преостанатите тестови поминат добро, ќе се обидеме да го лансираме 'Старшип' идниот месец“, рече Маск како одговор на твит за „Старшип“.
Тој ракетен систем, кога ќе биде целосно развиен, треба да ги замени ракетите „Фалкон 9“ што се користат во моментот. „Старшип“ е дизајниран да транспортира товар и луѓе до Месечината и Марс. НАСА потпиша договор со „Спејс екс“ за развој на систем што за неколку години би можел да ги транспортира астронаутите на агенцијата на површината на Месечината и назад на Земјата.
Во 2021 година, американската вселенска агенција потпиша договор со „Спејс екс“, според кој првото слетување на луѓе на Месечината се очекува околу 2025 година. Договорот е вреден околу три милијарди долари, а пред мисијата е потребно да се извршат неколку пробни вселенски летови.
Во јануари, тој ракетен систем, во кој само погонското гориво тежеше повеќе од 4,5 милиони килограми, беше тестиран во ракетната база „Старшипс старбејс“ (Starship's Starbase) во Бока Чика, Тексас. По тој повод беа извршени сите клучни чекори низ кои ќе треба да поминат инженерите на денот на лансирањето, освен самото лансирање, пишува „Блумберг“.
Bloomberg Mercury
Пред пет години, „Спејс екс“ ја лансира првата „Фалкон хеви“, тогаш најмоќната ракета во светот. На првиот пробен лет на таа ракета, која полета од лансирната рампа во вселенскиот центар „Кенеди“ на Флорида, беше автомобил „тесла роудстер“, во кој седеше кукла наречена Стармен, која на радио требаше да ја слуша „Space Oddity“ од Дејвид Боуви, но ѝ засвири песната „Life on Mars“.
.webp){kind=icon}
