Волстрит има „уште многу работа“ пред да почне да користи популарна технологија како што е ЧетГПТ (ChatGPT), предупреди главниот извршен директор на Банката на Америка, Брајан Мојнихан, додавајќи дека неточноста и недостигот од одговори базирани на податоци го прават популарниот генератор на текст предизвик.
„Дигиталната технологија во сферата на банкарството може да биде моќна“, рече Мојнихан во онлајн гостување на деловниот самит АФР во Сиднеј во вторникот, „но мора да се погрижиме да се примени правилно“.
Овие коментари на Мојнихан беа првите за употребата на вештачката интелигенција и други неофицијални извори како ЧетГПТ што тој ги кажа јавно, откако Банката на Америка неодамна им забрани на вработените да го користат четботот во деловните обврски.
Брајан Мојнихан
Bloomberg
Ситуацијата треба да се анализира подробно, бидејќи „трети страни како провајдери можат да создадат дупка во вашата мрежа“, додаде тој. „Ниту едно претпријатие не е преголемо или премногу мало за да не се грижи за сајбер-напади“.
Мојнихан, кој зборуваше од Бостон, исто така рече дека очекува стапките во САД да достигнат околу 5,25 или 5,5 отсто и да останат на тоа ниво „долго време“.
„Мислам дека ќе видите забавување, што, искрено, многу луѓе и нема да го почувствуваат толку многу“, рече тој. „Тоа ќе биде повеќе техничка рецесија. Нема да има длабок пад на БДП во САД“.
Тој рече дека прогнозира глобалната економија да расте од 2,5 до 2,6 отсто во услови кога нивоата се нормализираат низ светот, додека Кина - втората по големина економија во светот - ќе порасне со 5 отсто.
.webp){kind=icon}
Во моментов нема коментари за веста. Биди прв да коментира...