Индиска ИТ компанија одвои милијарда долари за обука на вработените за ВИ

Индиската комапнија „Випро“ (Wipro), планира да потроши една милијарда долари за да ги обучи своите 250.000 вработени за вештачка интелигенција (ВИ) и да ја воведе новата технологија во своите производи. Во следните три години се планира здружување на 30.000 вработени од секорите аналитика на податоци, консултантски и инженерски тимови за имплементација на технологијата во сите внатрешни операции и решенија што им се нудат на клиентите, се вели во соопштението на „Випро“ (Wipro).

Фирмите ширум светот ја прифаќаат технологијата за да останат релевантни на пазарот, откако „ЧатГПТ“ (ChatGPT) на  „OpenAI“ ја промени индустријата и помогна да се согледаат можностите за генеративна вештачка интелигенција. Најголемата индиска ИТ компанија „Тата Груп“ (Tata Group) најави дека ќе обучи 25.000 инженери за оваа технологија, додека „Хепиест Мајндс Технолоџис „(Happiest Minds Technologies) го планира својот најголем круг на вработување досега, одговарајќи на побарувачката за сопствени ботови со вештачка интелигенција.

„Со доаѓањето на генеративната вештачка интелигенција, очекуваме фундаментална промена напред за сите индустрии“, рече извршниот директор на „Випро“ (Wipro), Тиери Делапорте.

Компанијата соопшти дека исто така ќе ги забрза инвестициите во стартапи, вклучително и воспоставување програма за акцелератори за млади фирми специјализирани за генеративна вештачка интелигенција.

Во моментов нема коментари за веста. Биди прв да коментира...

Остави коментар