„Мајкрософт“ ќе го засили производството на ВИ чипови

„Мајкрософт“ планира „значително“ да го зголеми производството на своите чипови за вештачка интелигенција од следната генерација, објави „Информејшн“ (Information).

Компанијата е во преговори со добавувачот „Тајван Семикондактор“ (Taiwan Semiconductor Manufacturing Co.) за да обезбеди производствен капацитет за над 300.000 чипови за испорака во 2027 година, објави веб-страницата за технолошки вести во понеделник, повикувајќи се на луѓе запознаени со ситуацијата. „Мајкрософт“ се подготвува да го претстави својот нов чип „Маја 300“ (Maia 300) оваа есен, соопшти „Информејшн“.

Форсирањето на производството на чипови на „Мајкрософт“ започна години откако „Амазон“ и „Гугл“  почнаа да ги дизајнираат своите сопствени чипови, а линијата „Маја“ се смета за помалку зрела од нејзините конкуренти, кои веќе се широко користени за напојување на услугите за вештачка интелигенција. Само „Антропик“ самиот има договори за користење на 1 милион чипови „Трејниум“ (Trainium) на „Амазон“, и акцелератори Tensor Processing Unit на „Гугл“.

Сите три гиганти во областа на cloud-computing се стремат кон технологија што може да се вклучи во центри за податоци и да понуди заштеди и друга ефиксаност на корисниците на „услугите во облак“. Високите трошоци и недостигот од чипови од „Енвидија“ поттикнаа борба за пронаоѓање алтернативни извори на компјутерска моќ. „Мајкрософт“ започна со претставување на „Маја 200“ (Maia 200), нивниот акцелератор за вештачка интелигенција од втора генерација, претходно оваа година.

Менаџер на „Мајкрософт“ одби да коментира за конкретните планови за производство, но рече дека компаниската крајна цел е да произведува чипови „Маја“ чијашто моќ ќе се мери во гигавати, објави „Информејшн“.

Акциите на „Мајкрософт“ пораснаа за околу 1,3 отсто во 9:48 часот наутро во Њујорк.