Јужнокорејскиот производител ЛГ (LG) ја претстави надградената верзија на својот софтвер за вештачка интелигенција (ВИ) и покажа дека може да ја примени во сите сегменти од својот бизнис, од електроника до хемиско производство.
Ажурираниот основен модел на ЛГ Ексауан 2.0 (LG Exaone 2.0), чија оригинална верзија беше претставена во 2021 година, може да сфаќа слики и да разбира информации на корејски и англиски јазик. Новата верзија е обучена на околу 45 милиони тези и патенти, како и 350 милиони слики, објави компанијата.
Компанијата им се придружува на технолошките фирми низ светот што лансираат апликации за ВИ, како ЧетГПТ на „Опен еј-ај“. ЛГ тврди дека со новиот двојазичен модел има предност пред домашните конгломерати како „Самсунг“ и „Хјундаи“.
Прочитај повеќе
Маск го претстави својот адут во сферата на вештачката интелигенција
Маск со месеци навестуваше дека сака да создаде алтернатива на популарниот четбот за вештачка интелигенција, ЧетГПТ.
13.07.2023
Индиска ИТ компанија одвои милијарда долари за обука на вработените за ВИ
Вештачката интилигенција се повеќе присутна во компаниите ширум светот, ИТ компаниите почнаа да одвојуваат пари за обука на вработените за вештачка интелигенција
12.07.2023
Јапонија сонува да стане дом за вештачка интелигенција
Тоа би значело поддршка на стартапите и големите компании, како и поттикнување дискусија вештачката интелигенција да биде основен приход.
04.07.2023
Работниците планираат откази, но ривал за новата позиција ќе им биде ВИ
Студија покажа дека секој четврти канцелариски работник сака да го смени работното место во следните 12 месеци.
01.07.2023
„Ние сме единствената корејска компанија што успеа да комерцијализира двојазичен и мултимодален модел“, рече Кјунгхун Бае, шеф за истражување на вештачката интелигенција во ЛГ, на прес-конференција во Сеул во средата. „Tехнологиите за ВИ треба да се докажат со комерцијална употреба“.
Научниците на ЛГ покажаа како работи софтверот во различни ситуации. Во еден пример, Ексауан анализира разговор во реално време помеѓу вработен во повикувачки центар и клиент што се жали дека машината за перење не работи правилно. Тој исто така предложил неколку привлечни слогани за рекламирање козметика.
Компанијата планира да го продава Ексауан во повеќе индустрии, вклучувајќи ги и здравството и чистата енергија, почнувајќи од годинава. Општата јавност може да пристапи до некои од неговите карактеристики бесплатно.
„Планирано е моделот дополнително да се развива со подружници како што се гигантот за батерии ’ЛГ Чем’ (LG Chem) и производителот на дисплеи ’ЛГ дисплеј’“ (LG Display), рече Бае. Компанијата ангажира таленти за вештачка интелигенција во различни земји и отвори истражувачки центар за вештачка интелигенција во Мичиген.
.webp){kind=icon}