Компанијата за производство на електрични автомобили „Тесла“ планира да инвестира повеќе од една милијарда долари во проектот „Доџо“ (Dojo), за да стане еден од играчите во креирањето суперкомпјутери. Парите се планира да бидат инвестирани до крајот на 2024 година. Извршниот директор Илон Маск им објасни на инвеститорите дека суперкомпјутерот е дизајниран да обработува огромен број податоци, вклучувајќи и видеа од автомобилите на „Тесла“ што се потребни за создавање софтвер за автономно возење.
„Во следната година ќе потрошиме повеќе од една милијарда долари за ’Доџо’“, изјави Маск.
Најавениот огромен трошок за оваа инвестиција од страна на Маск очигледно не ги исплаши инвеститорите, бидејќи по затворањето на пазарите цената на акциите на „Тесла“ паднаа за повеќе од 4 отсто. Според финансискиот директор на „Тесла“, Захари Кирхорн, инвестицијата е поделена на истражување и развој и на капитални расходи и е во согласност со тригодишниот план за трошење.
Прочитај повеќе
За електрични возила: „Тојота“ издаде ЕСГ-обврзници во САД
Со оваа понуда јапонскиот производител сака да го финансира производството на електрични возила.
07.07.2023
„Тесла“ и кинеските ривали постигнаа договор за цените на автомобилите
Водечките производители на електрични автомобили потпишаа необврзувачки договор за фер конкуренција и регулирање на цените на автомобилите.
06.07.2023
Компанијата „Тесла“, според Маск, располага со „изненадувачка бројка“ на видеоснимки благодарение на клиентите што го користат софтверот за помош на возачот базиран на камера, познат како „Автопилот“ (Autopilot), како и бета-софтверот за целосно автономно возење, кој од почетокот досега има собрано повеќе од 300 милиони милји податоци. Во последниот извештај на компанијата „Тесла“ се наведува дека производството на тренинг-компјутерот „Доџо“ е веќе започнато. Проектот за развој на суперкомпјутерот „Доџо“ беше најавен во 2021 година, на Денот на вештачката интелигенција, со цел тој да биде завршен во текот на 2024 година. Според најавите на компанијата „Тесла“, „Доџо“ ќе се базира исклучиво на чипови и инфраструктура развиени од „Тесла“ и ќе користи видеоподатоци од автомобилите на „Тесла“ за да ја обучи вештачката невронска мрежа.
Според аналитичарите, создавањето на овој суперкомпјутер на „Тесла“ за обука и логика со вештачка интелигенција би можело значително да ја намали зависноста на компанијата од традиционалните производители на такви полупроводнички компоненти.
Bloomberg Mercury
.webp){kind=icon}