„Хонда“ (Honda Motor Co.) ќе инвестира 3,4 милијарди долари во својот бизнис со електрични мотоцикли до 2030 година и ја зголеми својата цел за годишна продажба на четири милиони единици за таа година, што е повеќе од претходната цел од 3,5 милиони.
Компанијата планира да претстави 30 нови модели на електрични мотоцикли ширум светот до 2030 година и ќе започне со изградба на посебни погони за електрични мотоцикли на глобално ниво околу 2027 година, се вели во соопштението од средата.
„Наша цел е да продаваме електрични мотоцикли по иста цена како и моделите ICE“, рече Даики Михара, шеф на одделот за развој на електрификација на мотоцикли на „Хонда“, за време на онлајн брифинг, мислејќи на моторите со внатрешно согорување.
Компанијата ја истакна Индија како место каде што има за цел да го прошири уделот на пазарот. Михара рече дека новите производствени капацитети „многу веројатно“ ќе бидат во Индија и Југоисточна Азија.
„Хонда“ додаде дека развива литиумски ферофосфатни батерии и планира да ги усвои во 2025 година.
„Имањето разновидни батерии, секоја со различна јачина во однос на излезниот опсег и трошоците, ќе и овозможи на „Ходна“ да прими поширок опсег на апликации и да го прошири опсегот на варијации на производи“, се вели во соопштението на јапонската компанија.
На среден до долгорочен план, „Ходна“ ќе истражува батерии со висока енергетска густина, со цел да користи батерии во целосно цврста состојба кои се во развој. Компанијата има за цел да ги намали трошоците за готови електрични мотоцикли за 50 отсто.
Компанијата се стреми кон оперативна профитна маржа од повеќе од 10 отсто за својот бизнис со мотоцикли во 2030 година и над пет отсто за електричните мотоцикли.
Претходно во средата, „Ходна“ објави дека нејзиното глобално производство на автомобили достигнало вкупно 404.276 единици во октомври, што е за 23 отсто повеќе од истиот месец минатата година. Продажбата исто така се зголеми за 23 отсто,на околу 372.000 единици.
.webp){kind=icon}
