.webp){kind=icon}
„Опен еј-ај“ работи со Пентагон на голем број проекти, вклучувајќи и способности за сајбер-безбедност, што е отстапување од претходната забрана на стартапот да им ја обезбедува својата вештачка интелигенција на војските.
Производителот на ЧетГПТ развива алатки со американското министерство за одбрана за софтвер за сајбер-безбедност, соработувајќи со ДАРПА за неговиот сајбер-предизвик со вештачка интелигенција објавен минатата година, а имаше првични разговори и со американската влада за методите за помош и превенција во спречувањето на самоубиствата на ветераните“, изјави Ана Маканџу, потпретседателка за глобални прашања, во интервјуто за „Блумберг“ на Светскиот економски форум во Давос во вторникот.
Компанијата неодамна отстрани некои од правилата во условите за користење, во кои се забрануваше вештачка интелигенција од апликациите „воени и војни“. Маканџу ја опиша одлуката како дел од поширокото ажурирање на неговите политики за приспособување на новите употреби на ЧетГПТ и неговите други алатки.
Deposit Photos
„Бидејќи претходно го имавме она што во суштина беше целосна забрана за војската, многу луѓе мислеа дека тоа ќе забрани многу од случаите на употреба, за кои луѓето мислат дека се многу усогласени со она што сакаме да го видиме во светот“, рече таа. „Но ’Опен еј-ај’ ја задржа забраната за користење на неговата технологија за развој на оружје, уништување имот или нанесување штета на луѓето“, рече Маканџу.
„Мајкрософт“, најголемиот инвеститор на „Опен еј-ај“, обезбедува неколку софтверски договори за американските вооружени сили и други владини гранки. „Опен еј-ај“, „Гугл“ и „Мајкрософт“ ѝ помагаат на американската агенција за напредно истражување во одбраната со својот сајбер-предизвик за вештачка интелигенција да најде софтвер што автоматски ќе ги поправа пропустите и ќе ја брани инфраструктурата од сајбер-напади.
„Опен еј-ај“ исто така наведе дека ја забрзува својата работа на безбедноста на изборите, посветувајќи ресурси за да се осигури дека неговите генеративни алатки за вештачка интелигенција не се користат за ширење политички дезинформации.
„Изборите се огромна работа“, рече Сем Алтман, главен извршен директор на „Опен еј-ај“, во истото интервју.
