.webp){kind=icon}
Гугл (Google) го отпушти софтверскиот инженер кој работеше во тимот за развој на вештачка интелигенција на компанијата поради неговото јавно тврдење дека имал разговори со бот кој станал „чувствителен“.
Гугл го потврди отпуштањето во соопштение во кое се вели дека тврдењата на инженерот Блејк Лемоин се „целосно неосновани“ и дека тој споделил доверливи информации за компанијата на трети страни.
Лемоин го даде своето тврдење во интервју за „Вашингтон пост“ во јуни, велејќи дека LaMDA, ботот со вештачка интелигенција со кој комуницирал, е личност. Не долго потоа, Гугл го стави на платено отсуство.
Компанијата на крајот го отпушти откако тој „сè уште избра упорно да ги прекршува јасните политики за вработување и безбедност на податоците што ја вклучуваат потребата да се заштитат информациите за производот“, се вели во соопштението.
Од Гугл велат дека опширно го разгледале ова прашање, вклучувајќи 11 прегледи на LaMDA.
