Компанијата за вештачка интелигенција „Опен еј-ај“ (OpenAI) работи на стопирање на користењето на гласот Скај (Sky) од звучната верзија на ЧетГПТ (ChatGPT), откако корисниците посочија дека звучи премногу како актерката Скарлет Јохансон.
Компанијата соопшти дека гласот, еден од петте достапни на ЧетГПТ, е од актерка и не бил избран да биде „имитација“ на Јохансон. Гласот на Јохансон беше користен од измислен виртуелен асистент во филмот „Таа“ (Her), за човек што се заљубува во систем за вештачка интелигенција.
Гласовите се дел од ажурираниот ГПТ-4о (GPT-4o) на „Опен еј-ај“, кој дебитира претходно месецов и може да одговори на вербални прашања на корисниците со аудиоодговор.
.webp){kind=icon}
