Конференцијата „Блумберг Адрија фјучр самит“ (Bloomberg Adria Future Fusion Summit) во Љубљана ја отвори Јан Миколон, директор за квантно компјутерство и вештачка интелигенција во компанијата „Квантум базел“ (QuantumBasel).
Дали Европа е подготвена или веќе заостанува? – беше прашањето што го постави Даниел Фазлиќ, директор за дигитален развој на „Блумберг Адрија“ кој го водеше разговорот. Миколон, кој неодамна престојувал во Париз, одговори:
„Париз е центар на вештачката интелигенција во Европа, таму има многу млади стартапи. Но, недостасува пресметковна моќ, пристап до таа моќ. Затоа сметам дека вложувањето во компјутерска инфраструктура е клучно.“
Според мислењето на Миколон, најважно е едноставно да се започне, а искуството ќе води кон развој и напредок.
„Една од најголемите грешки на големите корпорации е тоа што немаат вистински примери на примена. Имаат генеративна вештачка интелигенција, но ја користат за подобрување на пишување мејлови и слично,“ истакна Миколон, предупредувајќи дека тие процеси често се скапи и бараат многу ресурси.
Јан Миколон (лево) и Даниел Фазлиќ (десно)/Нејц Пернек
Според него, помалите дата-центри треба да се поврзуваат за стартапите да добијат пристап до поголема пресметковна моќ.
„Нашиот кампус има 500 GPU-единици. Кога би се поврзале, стартапите би имале пристап до илјадници GPU-единици, што би било далеку подобро. Тоа е европски начин на размислување – инвестициите да се централизираат до одреден степен.“
Кој би бил советот до Владата?
„Привлечете ја индустријата, за стартапите да можат да ги тестираат своите иновации. Потребни се индустриски партнери бидејќи тие имаат податоци и проблеми што бараат решенија. Јавните центри се повеќе насочени кон академски истражувања, додека приватните се поблиску до индустријата.“
Предизвиците за нов центар се: енергија, прифатеност во индустријата и знаење.
„Може да имате стартап што ќе развие решение што ќе го потресе пазарот и ќе понуди нова вредност. Тоа е голема можност за државата.“
Ефектот се гледа и кај локалното население и младите, бидејќи со финансирање на компании може да се привлечат млади да се вратат дома „Во Германија финансирањето е ноќна мора поради регулативата.“
Миколон верува дека владата може многу да направи, вклучително и намалување на даноците.
Тој се осврна и на компании од швајцарските кампови, кои се проценети на неколку стотици милиони евра. „Прашањето е, секако, дали таа проценка е оправдана – во некои случаи, сигурно е“.
.webp){kind=icon}
