Алкалоид АД Скопје

Назив, место и година на основање на компанијата:

Алкалоид АД Скопје, Скопје, 1936 год.

Дејност, област и опис на најважните производи: 

„Алкалоид“ AД Скопје е компанија која работи на производство на лекови, преработка на билни суровини и на производство на козметички и на хемиски производи.

Фармација:

CAFFETIN – Златен Супербренд

• Пуштен во производство во 1957 година, до денес се продадени над 11 милијарди таблети

• Присутен е на 15 пазари ширум светот

• Нај препознаена извозна марка во Македонија

• Зазема речиси 10 отсто од вкупната продажба на ПЦ Фармација

• До сега нема регистрирано никакви несакани реакции на лекот

• Супербренд за Србија (2007), Босна и Херцеговина (2008) и Северна Македонија (2009)

По спроведено длабинско истражување на пазарот, семејството на златни средства против болка беше проширено на Caffetin Cold (2005), Caffetin Menstrual (2007), Caffetin Cold Plus (2009) и Caffetin Cold Max (2010)

Козметика:

BECUTAN – Синоним за квалитет, доверба и традиција

• Во 2021 е остварена продажба од 12,7 милиони евра

• Над 26 типови основни производи, со речиси 50 различни форми на пакување

• Продадени над 200 милиони производи

• Апсолутен лидер на пазарот во Северна Македонија. Добро позициониран на останатите пазари во Југоисточна Европа.

• Удел од 83% во продажбата на вкупната програма на козметика

• Редизајнирање и постојано проширување на брендот со комплементарни (модерни) производи

• Континуирано инвестирање во маркетинг активности

• Активен на социјалните медиуми (Facebook: над 510.000 фанови)

Билка:

GOOD NATURE

• Продажба од 4,3 милиони УСД во САД во 2020 година

• Супериорен квалитет / признаена марка; производител од доверба

• Сертифициран FSSC 22000:2018, Органски производ во ЕУ, USDA-NOP и JAS, HALAL, Kosher и GFCO (безглутенски производ), зависно од пазарот

• Прв сертифициран производител на органски чаеви во Северна Македонија

• Специјализиран за приватни марки

• Посебен фокус: пазарот во САД (строго регулиран и со високи барања)

• Чаевите Good Nature се продаваат на Amazon.com и Walmart.com

• Чајот „Healthy Heart“ се појавува како Amazon’s Choice

• 2005: Соработка со AVEDA, членка на групацијата Есте Лаудер за нивниот чај Comforting Tea

• 2011: Arbonne International (дел од групацијата Рошер) – Чај CleanToxHerbal Detox, наменет за пазарите во САД, ОК, Канада и дел од пазарите во ЕУ

•2011: Swanson – производство за приватна марка со над 10 производи

Број на вработени: 2.619 ( 2.015 во Скопје и 604 во странство)

Пазари: 

Во 2021 производите на АЛКАЛОИД се присутни на 40 пазари.

Од вкупните консолидирани продажби 35 отсто се остварени на домашниот пазар, додека, пак, 65 проценти се остварени на странските пазари. Гледано според региони, во земјите од Југоисточна Европа се остварени 32 отсто, во земјите од Западна Европа (ЕУ и ЕФТА) се остварени 19 отсто, во Русија и во другите земји од ЗНД се остварени 13 проценти, а на другите пазари е остварен 1 отсто од вкупните консолидирани продажби.

Вредност на извозот и најпознат бренд: 

Консолидирани продажби извоз – 8.353.528.079,46 денари (135,5 милиони евра).

Удел по сегмент:

· Фармација 90,7 проценти

· Козметика 6,7 проценти

· Хемија 1,4 проценти

· Билка 1,2 проценти

EBITDA 2021. 2.302.590.062 денари (37,4 милиони евра) - Раст од 11 отсто.

Нето профит или вредност на капитал 2021.

Нето-добивка - 1.304.959.925 денари (21,2 милиони евра) - Раст од 12 отсто.

Вредност на капитал на 31.12.2021 година – 189,2 милиони евра

Општествена одговорност: 

Општествената одговорност е дел од традицијата на „Алкалоид“. Компанијата верува дека преку општествената одговорност може да придонесе за подобрување, унапредување и за развој на заедницата во која дејствува. Портфолиото за КОО на „Алкалоид“ го креира цел тим составен од експерти во различни области, што дополнително го покажува степенот на сериозност со која се настапува кон проектите од овој тип.

Во одржувањето на корпоративните вредности за општествена одговорност, компанијата ги фокусира своите напори во 4 клучни области:

• потрошувачи/иматели на удели;

• вработени;

• заедници и

• акционери.

Секоја од овие категории луѓе се третира преку различни проекти, приспособени на потребите на опкружувањето во кое тие дејствуваат.

„Алкалоид“ ги реализира проектите од општествено- одговорен карактер преку неколку форми, како на пример:

• донации во инфраструктурни проекти за здравствениот систем во С. Македонија и во земјите каде што компанијата има свои операции, како и во стручни настани од едукативен карактер, кои се значајни за македонското здравство и фармација;

• модел - Фондација и хуманитарен излет;

• поддршка за невладини организации/здруженија на граѓани и на поединци и

• поддршка за македонскиот спорт и за македонската уметност и култура.

Визија/ стратегија:

Визијата на „Алкалоид“, како глобално ориентирана компанија, е да се стреми кон постигнување високи цели и дострели, кои ќе овозможат изразена конкурентност и пазарна позиција. Компанијата е постојано отворена за градење нови пазари и нови партнерства, а произведува и пласира производи со највисок квалитет, применувајќи најсовремени технологии и деловни стандарди.

Мисија:

Мисијата на „Алкалоид“ е постојано да тежнее кон поздрав свет, кон супериорен квалитет на производите и на услугите, како и кон висока професионалност и кон континуиран успех. Императив е заштитата на интересите на сите вклучени страни. Основна определба е грижата за здравјето и за квалитетот на живот на секој човек, за системот на здравствена заштита и за животната средина. Заложбата на компанијата е континуирано унапредување на здравјето на луѓето, што се рефлектира преку мотото ЗДРАВЈЕТО ПРЕД СÈ.

Во моментов нема коментари за веста. Биди прв да коментира...

Остави коментар