text size
Над 200 мали и средни претпијатија (МСП) во Северна Македонија успешно ги имплементираа инвестициските проекти и ја подобрија конкурентноста благодарение на Европската банка за обнова и развој (ЕБОР) и Европската Унија (ЕУ), преку Програмата за конкурентност на МСП.
Програмата која започна во 2019 година, ги комбинира кредитите на ЕБОР и грант поддршката од ЕУ, за натамошно кредитирање на малите бизниси во партнерство со локалните комерцијални банки. Во вкупно 316 проекти, беа пласирани 51 милион евра кредити за малите и средни претпријатија во Северна Македонија. Најголемиот број од овие инвестиции се од секторот производство, транспорт, малопродажба и услуги и храна, а над 60 од нив за фимри лоцирани надвор од главниот град.
Малите и средни претпријатија имаа можност да аплицираат за средства кои ќе ги инвестираат во нова опрема и надградба која може да им помогне да ја поттикнат продуктивноста, да ги намалат оперативните трошоци, да ја зголемат енергетската ефикасност и да го подобрат усогласувањето со ЕУ стандардите. Покрај кредитите, МСП имаа корист од грант поддршката која беше во износ до 15 отсто од вкупната сума на кредитот, финансирани од ЕУ.
Анди Аранитаси, претставник на ЕБОР за Македонија, изјави: ,,Подобрувањето на пристапот до финансии за малите бизниси во Северна Македонија и поттикнување на нивната конкурентност останува еден од нашите клучни приоритети. Ќе продолжиме да работиме со нашите донатори за да обезбедиме поволни кредити и грант финансирање за поголем број МСП во земјата.’’
„До крајот на октомври 2022 година, 91% од средствата за Северна Македонија беа алоцирани на клиенти, а беа поддржани 10,474 работни места. Благодарани сме на ЕУ и ЕБОР за имплементацијата на оваа програма и веруваме дека ќе имаме уште повеќе цели за остварување’’ , истакна Фатмир Битиќи, вицепремиерот задолжен за економски прашања.
Денешниот настан ги сумираше резултатите од активностите на Програмата за конкурентност на МСП во Северна Македонија. ,,Динамичните и високо конкурентните мали и средни претпријатија се основа за раст и развој. Пристапот до финансии останува еден од често споменуваните пречки за деловниот сектор. ЕУ Делегацијата во Северна Македонија, заедно со ЕБОР ги здружија силите во креирање на Програмата за конкурентност. Во оваа насока, беа создадени инструменти за финансирање согласно високите вредности на ЕУ, кои се достапни за бизнисите во Северна Македонија. Еден од нив е и Економскиот инвестициски план за Западен Балкан, со кој се дава поддршка на буџетот со кредитни линии без камата и грант линии, како и грантови за компаниите кои се заинтересирани во еколошките иницијативи’’, изјави Мари-Маделине Канелопулу, Раководител на одделот за операции при Делегацијата на Европската Унија во Северна Македонија.
Програмата за конкурентност на МСП се имплементира во земјите од Западен Балкна со цел да им помогне да го подобрат пристапот до финансии за локалните МСП. До денес, над 850 компании имаа бенефит од оваа регионална програма. Партнерски финанасиси институциии во Програмата за Северна Македонија се Шпаркасе банка Македонија, ПроКредит банка Македонија, НЛБ Банка, Комерцијална банка и Шпаркасе лизинг.
ЕБОР е една од водечките институции, инвеститори во Северна Македонија. До денес има инвестирано над 2,5 милијарди евра во проекти од различни сектори на економијата, со главен фокус врз развој на приватниот сектор.
.webp){kind=icon}
