.webp){kind=icon}
Управниот одбор на Комерцијална банка се проширува со уште двајца директори. Банката извести дека согласно последните измени на Статутот на Банката, во Управниот одбор влегуваат Билјана Максимовска Поповиќ, која ќе биде член и Главен директор за корпоративно банкарство и Никола Џамбазовски, како Главен директор за продажба и развој.
„Двајцата нови членови на Управниот одбор добија согласност од Народната банка со мандат од 2 години, соопшти Комерцијална банка.
Досега во Управниот одбор на банката членуваа Хари Костов како Претседател и Главен извршен директор, Илија Илоски, Член и Главен оперативен директор и Маја Стевкова Штериева, Член и Главен финансов директор.
Според биографиите, Билјана Максимовска Поповиќ има 25 годишно работно искуство во Комерцијална банка од кое 19 години на раководни позиции во Секторот за кредитирање на стопанство. Никола Џамбазовски има 19 години работен стаж во Банката во областа на кредитирање на стопанството и управување со проблематичните побарувања, од кои на раководни позиции последните 12 години.
Инаку најголемата македонска банка имаше извонредни резултати во првите три месеци годинава и успеа за првите три месеци годинава да оствари добивка од 8,5 милиони евра што е за 45 отсто подобар резултат од истиот период лани.
Еве ги перформансите на банката
Македонска берза
