„Блекрок“ (BlackRock Inc). бил ангажиран како советник за да ѝ помогне на американската влада да организира продажба на хартии од вредност од 114 милијарди долари што ги чувале пропаднатите банки „Сигначур“ (Signature) и „Силикон валеј“ (СВБ).
Гигантот за управување со средства ќе продаде 27 милијарди долари хартии од вредност од „Сигначур“ и 87 милијарди долари од СВБ, објави во средата Федералната корпорација за осигурување депозити (FDIC). Тоа се главно хипотекарни хартии од вредност, колатерални хипотекарни и комерцијални хипотекарни хартии од вредност, објави агенцијата.
Продажбата „ќе биде постепена и уредна и ќе има цел да го минимизира потенцијалот за какво било негативно влијание врз функционирањето на пазарот, земајќи ги предвид дневната ликвидност и условите за тргување“, соопшти FDIC.
FDIC минатиот месец беше назначен за стечаен управник на банките бидејќи тие пропаднаа под тежината на повлекувањето на депозитите. Депозитите на „Сигначур“ и дел од нејзините заеми беа преземени од „Флегстар“ (Flagstar Bank), додека банката „Силикон валеј“ (СВБ) од FDIC ја купи „Фрст ситизенс“ (First Citizens).
Портпаролот на „Блекрок“ одби да коментира.
.webp){kind=icon}
Во моментов нема коментари за веста. Биди прв да коментира...