.webp){kind=icon}
Економистите на Morgan Stanley очекуваат дека еврозоната ќе влезе во блага рецесија во четвртиот квартал од оваа година заради намалените испораки на енергенси од Русија.
Во извештајот објавен денеска, економистите, вклучувајќи го и Јens Eisenschmidt, напишаа дека економијата ќе забави во текот на два квартали пред да продолжи да расте во второто тромесечие од следната година кога ќе почнат да растат инвестициите.
Тие ја сменија нивната прогноза откако Русија ги намали испораките на гас кон Европа, но и откако индикаторите за довербата на потрошувачите и бизнис секторот се намалија заради високата инфлација.
„Ризиците се интензивирани“, напишаа Eisenschmidt и неговите колеги.
И покрај забавувањето, велат дека инфлацијата е висока и очекуваат Европската централна банка за ги зголемува каматните стапки на секој состанок годинава до 0,75 отсто во декември иако растот би можел да запре по септември ако изгледите се влошат.
