Новата алатка на Европската централна банка за борбата со кризата би требало да има и елемент на изненадување за да биде ефикасна во битката со пазарниот стрес и за да се избегне фрагментација во еврозоната, вели поранешниот член на Извршниот одбор, Lorenzo Bini Smaghi.
Тој е сега претседател на Societe Generale SA, и вели дека Програмата за пазарот на хартии од вредност од 2010 година, кога тој се уште бил член на извршниот одбор на ЕЦБ, на почетокот функционирал затоа што бил големо изненадување.
„ ЕЦБ мора да е во состојба постојано да испраќа пораки на пазарот дека ако ширењето и фрагментацијата на пазарот станат проблем, ќе биде подготвена да дејствува“, вели тој во интервју за ТV Bloomberg. „Морате да го изненадите пазарот, не можете секогаш да бидете предвидливи“.
Жан Клод Трише, кој беше на чело на ЕЦБ за време на поголем дел од мандатот на Бини Смаги, вчера за TV Bloomberg изјави дека инситуцијата има голем маневарски простор во време кога монетарните политики се соочуваат со неосновани шпекулации и дека пазарите грешат кога се обложуваат против еврозоната.
Коментарите доаѓаат во времето кога нивните наследницци во Франкфурт работат на исполнување на ветувањето дадено на итниот ссостанок минатиот месец за создавање нова алатка против фрагментацијата. Таму се уште постојат разлики околу тактиката и основниот дизајн, известува Bloomberg. Според Смаги, важно е поставувањето на вистинскиот инструмент за да се гарантира дека ЕЦБ ќе може да продолжи со плановите за зголемување на каматите без реакција на пазарот на несоодветен начин.
За да се избори со рекордно високата инфлација, планот на ЕЦБ предвидува зголемување на каматите за 25 базни поени на 21 јули и забрзување на темпото на раст за дополнителни 50 поени на есен.
„ЕЦБ мора да се фокусира на инфлацијата, што побрзо тоа се случи, опкружувањето побрзо ќе може да се опорави“, вели Смаги.
.webp){kind=icon}
