text size
Претставниците на Федералните резерви на САД минатиот месец се согласија да го забават темпото на покачување на каматните стапки затоа што сакаат да проценат како досегашното заострување влијае на борбата со инфлацијата.
„Откако ставовите на монетарната политика дополнително се заострија, веројатно во некој момент ќе биде соодветно да забави темпото за зголемување на каматните стапки за да се проценат ефетктите врз економската активност и инфлацијата“, се наведува во записникот на Федералниот комитет кој се однесува на седниците од 26 и 27 јули, а беше објавен вчера.
„Во услови кога деловното опкружување постојано се менува, а постојат и долги и променливи заостанувања на ефектите од монетарната политика, многу од учесниците забележаа дека постои ризик комитетот да ги заостри политиките за враќање на стабилноста на цените повеќе од неопходното“, се наведува во записникот.
ФЕД ја дигна каматната стапка за 75 базни поени на тој состанок, а тоа беше втор месец по ред, и со тоа го означи најбрзото темпо на заострување на политиките по 1980 -тите години.
Новиот состанок на комитетот на ФЕД ќе се одржи од 25 до 27 август во Џексон Хол во Вајоминг.
По објавувањето на записникот од последниот состанок, двегодишните обврзници и доларот ги намалија добивките, а американските акции ги намалија загубите. Трговците сега се обложуваат дека ФЕД наместо за 75, на следниот состанок ќе ги зглеми каматите за 50 базни поени.
„Иако записниците и натаму ја нагласуваат потребата за борба со инфлацијата, се појавува загриженост дека ФЕД би можел да ги заостри политиките повеќе од потребното“, вели Кристофер Лоу, главен економист во ФХН. „Постојат изгледи дека има подобрувања на стрната на понудата во економијата, има малку надеж за намалување на цените на некои производи, но и натаму постои голема загриженост заради инфлацијата“.
Јазикот кој се користи во записникот го одразува она што Џероми Пауел го кажа на прес конференцијата по јулскиот состанок. Неговите коментари дека централната банка би можела да премине на помали подигнувања на каматните стаки во иднина, го поттикнаа растот на акциите. И покрај тоа, тој ја остави отворена моженоста за уште едно „необично големо“ зголемување на каматата на состанокот во септември, што ќе зависи од податоците кои дотогаш ќе бидат објавени.
.webp){kind=icon}
