Гувернерката на Федералните резерви, Мишел Боуман, објави дека се залага за три намалувања на каматните стапки годинава.
Во подготвениот говор, Боуман рече дека поддржува повеќекратни намалувања на каматите и дека ова мислење ѝ било зацврстено од последните слаби податоци за пазарот на трудот. Комитетот за монетарна политика на Фед годинава ги задржуваше каматните стапки непроменети, што Боуман го поддржуваше до јуни. Но во јули, таа и гувернерот Кристофер Волер гласале за намалување од четвртина процентен поен.
Сега таа ги повика своите колеги да почнат со намалувања на следната седница во септември.
Таквиот потег, како што рече, „би помогнал да се избегне понатамошно непотребно влошување на состојбата на пазарот на труд и би ја намалил веројатноста Комитетот да мора да направи поголема корекција на политиката доколку пазарот на труд дополнително ослабне.“
Боуман, назначена во Фед во 2018 година од претседателот Доналд Трамп, повтори дека зголемувањето на цените поради царини веројатно нема трајно да ја зголеми инфлацијата.
„Како што сè повеќе сум уверена дека царините нема да предизвикаат траен шок за инфлацијата, гледам дека нагорните ризици за ценовната стабилност се намалени“, рече таа на конференцијата на Асоцијацијата на банкари од Канзас во Колорадо Спрингс. „Со основната инфлација на стабилна траекторија кон 2 отсто, со слабеење на агрегатната побарувачка и знаци на ранливост на пазарот на труд, сметам дека треба да се фокусираме на ризиците за вработеноста“.
Можно е во септември на Боуман и Волер да им се придружат и други кои ќе ја поддржат идејата за намалување. Три други креатори на политики – претседателката на Фед Сан Франциско Мери Дејли, гувернерот на Фед Минеаполис Нил Кашкари и гувернерката Лиза Кук – минатата недела изразија загриженост поради нови податоци кои укажуваат на нагло ладење на пазарот на труд.
Работодавците во јули отвориле 73.000 работни места – значително помалку од очекуваното, а вработувањата во претходните два месеца биле ревидирани надолу за речиси 260.000. Стапката на невработеност се зголеми на 4,2 отсто од 4,1 отсто во јуни.
.webp){kind=icon}
