.webp){kind=icon}
Компанијата „Киел“ го проширува производството во Македонија. Претставници на германската компанија денеска потпишаа договор за зголемување на инвестицијата, чија цел е да почне да се гради нов дополнителен производствен капацитет на нивната фирма во тетовската технолошко-индустриска развојна зона. Потпишувањето се изврши во веќе постојниот објект на компанијата, во близината на зоната и селото Желино, од страна на Јурген Мил, директор на „Киeл интернационал“, и Кристијан Шанд, генерален менаџер на „Киeл“ за Македонија, како и Јован Деспотовски, директорот на ДТИРЗ.
Bloomberg Mercury
„Горди сме со оваа дополнителна инвестиција во Северна Македонија. Ќе ги зголемиме производството и бројот на операции. Нашата инвестиција изнесува околу девет милиони евра, а ќе се вработат 150 дополните работници во наредните неколку години. Тоа ќе биде вкупно 300 работници за ’Киeл’ во Македонија“, изјави Шанд.
Bloomberg Mercury
Мил нагласи дека оваа инвестиција ја истакнува важноста на Македонија како локација за нивните планови во иднина.
„Кога почнавме пред пет години не бевме сигурни како ќе се развива. Но, денеска, горди сме на тоа што најдовме високомотивирани колеги тука, со кои успеавме да воспоставиме ефикасно производство за седишта за патници“, изјави Мил.
„Киел“ е прва компанија што го проширува производство во една од технолошко-индустриско развојните зони, за што директорот Јован Деспотовски рече дека се прави под многу јасни и прецизни критериуми.
Bloomberg Mercury
„Компанијата ’Киел’ воведува нова линија на производство во рамките на зоните, а се обврза да ги задржи сите овие луѓе и дополнително да ангажира 150 наши сограѓани од овој регион. Компанијата ’Киел’ нема да користи ниту царински ниту даночни бенефиции во рамки на зоните. Тоа значи дека компанијата „Киел“ се определи да ги користи услугите на државата, односно Дирекцијата поврзани, со земјиштето, инфраструктурата и полесен пристап до услугите од општинските и централните власти, што е многу значаен исчекор. Ова е важна порака за сите домашни компании сериозно да размислат и да почнат да го користат“, посочи Јован Деспотовски, директор на ДТИРЗ.
Министерот за економија Крешник Бектеши истакна дека институциите работат на дополнителни политики и решенија, за да се донесе уште еден закон што ќе им овозможи на компаниите подобри услови за инвестирање.
Премиерот Димитар Ковачевски порача дека странските инвестиции во земјава растат, ги зголемуваат производството, извозот и вработените.
Bloomberg Mercury
„Големо е задоволството кога во услови на најголема економска енергетска криза Северна Македонија е дестинација за нови инвестиции на водечки производители, како меѓународната ’Киел групација’, која работи глобално со производствени погони во САД, Германија, Полска, Холандија и во Турција, а присутна е и на азиските пазари. Високотехнолошки компании инвестираат во земјава и ѝ носат нова додадена вредност на нашата економија“, рече Ковачевски.
Германската амбасадорка во земјава, Анке Холштајн, говореше за важноста на новите инвестиции.
Bloomberg Mercury
„Доверливата клима на соработка со македонската влада е важен знак за квалитет за локацијата Северна Македонија. Заедно ќе продолжиме да ја негуваме – за успешно да работат тие што веќе се овде, како и за понатаму да ја рекламираат Северна Македонија како добра дестинација за инвестиции“, рече Холштајн.
Според претставниците на Владата, во моментот во ТИРЗ има помеѓу 30 и 35 активни клиенти. Германските инвеститори досега учествувале со 15-20 проценти од вкупните инвестиции во зоните, а со најновите инвестиции Германија станува најголем инвеститор во ТИРЗ, со зголемено учество за трипати, односно речиси половина од вкупните инвестиции.
