Во близината на локалниот пат кон селото Мамутчево и во близината на експресниот пат Велес - Штип денеска беше поставен камен-темелник за изградба на далновод.
Премиерот Димитар Ковачевски, кој присуствуваше на започнувањето на изградбата на новиот далновод во Овче Поле, истакна дека станува збор за особено важна инвестиција и дека овој 110-киловолтен далновод од трансформаторската станица во Велес до трансформаторската станица во Овче Поле е во вредност од 3,2 милиони евра.
„Со овој далновод обезбедуваме намалување на техничките загуби, сигурност во напојувањето и можност за приклучување на производствените капацитети од обновливи извори на енергија, во кои забрзано се инвестира во изминатиот период“, истакна Ковачевски.
Директорот на МЕПСО, Орхан Муртазани, рече дека ова е неопходната инфраструктура што ќе обезбеди не само сигурност и стабилност во снабдувањето со електричната енергија на жителите и стопанството во Светиниколскиот Регион туку ќе даде и можност за приклучување нови корисници во преносната мрежа и интеграција на нови обновливи извори на енергија.
.webp){kind=icon}
