Јавен инвестициски фонд од Саудиска Арабија размислува да ги додаде трките од Формула 1 во растечкото портфолио на спортски инвестиции, велат извори запознаени со ова прашање.
Можен договор пропаднал на почетокот на минатата година бидејќи сопственик на Формула 1, „Либерти Медија“ (Liberty Media Corp.) не бил заинтересиран за продажба на средствата што саудискиот фонд ги проценил на над 20 милијарди долари.
Фондот останува заинтересиран за франшизата и би бил сериозен претендент доколку „Либерти Медија“ се премисли, велат истите извори, кои побарале да останат анонимни.
Претставници на фондот и компанијата „Либерти Медија“ не сакале да ги коментираат наводите.
Саудиска Арабија инвестира многу во спортот додека сè повеќе се отвора кон западните трендови во забавната индустрија. Во изминатите години беше кушен англискиот премиерлигаш Њукасл, а се организираа и разни спортски настани, како бокс, голф или Формула 1. Критичарите на овој пристап сметаат дека е обид да се оттргне вниманието од состојбата со човековите права.
Формула 1 секако би била одлична аквизиција. Спортот доби дополнителна популарност откако беше купен од „Либерти Медија“ во 2017 година за 4,4 милијарди долари во обид да се прошири базата на обожаватели во Азија и САД и со лансирање на услугата „стриминг“ директно до корисниците без посреднички платформи.
Блискиот исток е во фокусот на сопствениците на Формула 1 бидејќи регионот ќе биде домаќин на четири трки оваа година. Првите две ќе се одржат во Бахреин и Саудиска Арабија во март.
.webp){kind=icon}
