.webp){kind=icon}
Кинеската влада одобри изградба на шест нови нуклеарни реактори додека продолжува да го шири најголемиот светски проект за нови нуклеарни централи.
На состанокот на 31 јули беа одобрени по два реактора за секоја од следните локации: електроцентралата „Шидаован“ во провинцијата Шандонг, „Нингде“ во провинцијата Фуџијан и „Судабао“ во провинцијата Лиаонинг. Вкупната проценета инвестиција изнесува 120 милијарди јуани (17 милијарди долари), пишува државниот медиум „Пејпер“ (The Paper).
Кина има трет најголем број на нуклеарни централи во светот, зад Франција и САД, и на неа отпаѓаат 23 од 55-те реактори што моментално се градат низ светот, според Светската асоцијација за нуклеарна енергија. Земјата одобри изградба на 10 нови реактори во 2022 година, а аналитичарот Тони Феи од БОЦИ (BOCI Research Ltd.) вели дека одобренијата дадени во понеделникот можеби не се сè за оваа година, бидејќи неколку други крајбрежни централи се подготвени да започнат нова изградба.
Bloomberg
„ЦГН (CGN Power Co), еден од водечките оператори на нуклеарни централи во Кина, има најголема полза од одлуката на владата, имајќи предвид дека четири од шесте нови реактори ќе се засноваат на нивниот дизајн ’Хуалонх уан’ (Hualong One)“, рече Феи.
Одобрувањата исто така може да имаат позитивен ефект врз цените на ураниумот, кои се зголемени повеќе од двојно од 2019 година, кога Кина одново почна да одобрува нови реактори по неколку години пауза поради безбедносни прегледи, а по јапонската нуклеарна катастрофа во Фукушима.
