„Беркшир Хатавеј“ (Berkshire Hathaway Inc.) на Ворен Бафет го намали уделот во „Амазон“ (Amazon.com Inc.) за повеќе од 75 отсто во четвртиот квартал, а истовремено стекна и удел во „Њујорк тајмс“ (The New York Times Co.), што претставува негова последна нова инвестиција како извршен директор на конгломератот.
„Беркшир“, со седиште во Омаха, Небраска, во трите месеци до декември купи 5,1 милиони акции од медиумската издавачка компанија, удел што на крајот на годината вредел 351,7 милион долари, според регулаторна пријава објавена во вторникот.
„Беркшир“ првпат купи удел во „Амазон“ во 2019 година. Бафет тогаш изјави дека, и покрај неговата историска воздржаност кон технолошките акции, бил „идиот што не купил“ акции од онлајн трговскиот гигант порано. Компанијата сега поседува околу 2,3 милиони акции од „Амазон“.
Прочитај повеќе
Бафет си заминува, принципите остануваат: 5 лекции за инвестирање од Пророкот од Омаха
Ворен Бафет формално се пензионира од бизнисот, со што завршува една од најдолгите и најуспешни инвестициски кариери во модерната историја. По шест децении на чело на „Беркшир Хатавеј“, Грег Абел го презема оперативното управување на компанијата.
14.01.2026
Компанијата на Бафет купи акции на „Алфабет“ вредни 4,9 милијарди долари
Бафет го раздвижи пазарот пред да се повлече: купи милиони акции од матичната компанија на „Гугл“, а го намали уделот во „Епл“ и „Банка на Америка“...
15.11.2025
Ворен Бафет тивко се повлекува: Додека сум жив ќе донирам
Во писмо во кое објави дека ќе им донира повеќе од 1,3 милијарда долари на четири семејни фондации, Бафет, познат како Пророкот од Омаха, ја истакна својата желба да се фокусира повеќе на хуманитарни активности во својата последна фаза од животот...
11.11.2025
На што се подготвува Ворен Бафет? Го анализиравме неговото портфолио
Милијардерот Ворен Бафет држи рекордни 344 милијарди долари кеш во „Беркшир Хатавеј“, но големината и скапите пазари ја ограничуваат потрагата по нови инвестиции.
22.08.2025
Исто така во четвртиот квартал „Беркшир“ продолжи да ги намалува уделите во Банката на Америка (Bank of America Corp.) и „Епл“ (Apple Inc.), сведувајќи ги на 7,1 отсто и 1,5 отсто, соодветно. Бафет започна со намалување на овие позиции во 2024 година.
„Беркшир Хатавеј“ во истиот период ги зголеми и уделите во нафтениот производител „Шеврон“ (Chevron Corp.) на 8,7 осто и во осигурителната компанија „Чаб“ (Chubb Ltd.) на 6,5 отсто.
Конгломератот ја објави својата почетна инвестиција во „Чаб“ во мај 2024 година, откако претходната година тајно го формирал уделот. Акциите на „Чаб“ пораснаа за околу 11 отсто во текот на четвртиот квартал, откако трговско списание објави дека компанијата неформално се обратила со интерес за купување на „Американ интернешнл груп“ (American International Group Inc.). Компанијата негираше дека била поднесена каква било понуда.
Бафет, кој лани се повлече од функцијата извршен директор, во последните квартали повторно се појави како активен купувач, постигнувајќи договор за купување на петрохемискиот бизнис на „Оксидентал петролеум“ (Occidental Petroleum Corp.) за 9,7 милијарди долари и стекнувајќи удел од 5,6 милијарди долари во „Алфабет“ (Alphabet Inc.).
Акциите на „Њујорк тајмс“ скокнаа за повеќе од 10 отсто во тргувањето по затворањето на берзата во Њујорк.
.webp){kind=icon}
