Непишаното правило за новите хибридни работни модели е дека помладиот персонал кој работи од дома има помалку можности за поврзување и учење на работното место. Дали има проблем со оваа анализа? Да - помладите работници не веруваат во неа.
Една неодамнешна студија на Кралскиот колеџ во Лондон покажа дека на 40 проценти од лицата на 16 до 24-годишна возраст, кои имаат работа во Лондон, им е полесно да волонтираат за важни задачи и да поставуваат прашања кога работат од далечина. Од друга страна, нивните постари колеги сметаат дека работата од дома е пречка за учење и поврзување.
„Поголема е веројатноста помладите работници да гледаат позитивно на користењето на технологијата за поставување на прашања, за да направат пробив и за да изградат мрежа на контакти“, вели Боби Дафи, директор на Институтот за политика на универзитетот.
„Од една страна можеби младите вработени не сфаќаат што пропуштаат, но од друга страна можно е и постарите работници да се заглавени во застарени начини на работа и не можат да видат прогрес во новитетите“, додава тој.
Bloomberg
Истражувањето го нагласува генерацискиот јаз во дебатата за хибридниот ангажман. За да ги поткрепат ставовите за враќање во канцелариите, менаџерите редовно тврдат дека работата во канцеларија е од суштинско значење за учење, вмрежување и напредок. Но, помладите работници, кои треба да бидат најмногу загрижени за користење на тие придобивки, гледаат на работите поинаку.
Околу 20 отсто од младите работници велат дека работата од далечина всушност помага во градење на односи со колегите, покажува истражувањето. Впечатоците, пак, се поразлични кај оние кои имаат 50 и повеќе години. Хибридното работење исто така може да биде основа за заштеда на пари. Оние кои работат од дома можат да живеат на места со поевтини кирии и да се откажат од патни трошоци барем неколку дена во неделата.
Анализата укажува и на потенцијални проблеми со кои би се соочиле работодавците доколку сакаат да ги вратат сите работници во канцеларија. Повеќето лондонски работници попрво би дале отказ отколку да се придржуваат до распоред за работа што не им се допаѓа, покажа едно истражување.
Други истражувања за промените што се случуваат во начинот на работа, исто така, открија тензии во хиерархиите на работното место. Истражување Future Forum Pulse спроведено меѓу работници во САД, Британија, Австралија, Франција, Германија и Јапонија покажа дека речиси 40 отсто од оние на раководни позиции сакаат да работат во канцеларија три до четири дена во неделата, во споредба со 25 отсто од работниците кои не се во раковдството.
.webp){kind=icon}
Во моментов нема коментари за веста. Биди прв да коментира...