Трошењето повеќе од два часа дневно на состаноци може да ѝ наштети на продуктивноста, покажа ново истражување, ставајќи плафон на еден сегмент од секојдневната работа од кој многу работници стравуваат.
Анкетата на повеќе од 10.000 работници на глобално ниво од „Слак технолоџис“ (Slack Technologies) во сопственост на „Селјсфорс“ (Salesforce) покажа дека два часа состаноци се сметаат за пресвртна точка за повеќето испитаници. Оние кои рекле дека минуваат премногу време на повици на „Зум“ или во конференциски сали, има повеќе од двојно поголема веројатност да кажат дека немаат доволно време да се фокусираат на работата што е важна. Повеќе од половина од анкетираните директори изјавиле дека имале премногу состаноци, додека 27 отсто од работниците го кажале истото. Големиот број состаноци може да ги принуди луѓето да ги извршуваат важните работни задачи по работното време, нешто што двајца од пет работници го прават барем еднаш неделно. Ефектите се исти без разлика дали состаноците се виртуелни или очи в очи.
„Секоја минута што ја минувате на состаноци е минута што ја поминувате не фокусирајќи се“, рече Кристина Јанзер, виш потпретседател за истражување и аналитика во „Слак“. „Состаноците навистина служат за одредена цел, но фокусираното време е многу важно“.
Ова е најново истражување кое ги покажува негативните ефекти од премногу или непродуктивни состаноци, против кои „Слак“, „Спотифај“ (Shopify Inc.) и други компании се обидуваа да се борат со различен степен на успех. Претходните истражувања покажаа дека големите организации трошат 100 милиони долари годишно на непотребни собири. Тактиките за ограничување на состаноците може да варираат: двапати во еден квартал, а на пример, „Слак“ ги откажува сите внатрешни состаноци за цела недела и ги елиминира во петок. Неодржување на петочни состаноци е нешто што го прават и други компании. „Спотифај“ создаде алатка вградена во календарите на вработените која ги проценува трошоците за секој состанок. Во некои случаи, бизнисите ги поттикнуваат работниците да одбијат состаноци.
Наодите доаѓаат во период кога се појавуваат нови алатки кои можат да ги доловат најважните моменти на состанокот и да им испратат на работниците резиме, заедно со договорените следни чекори, подоцна.
Изненадувачки, истражувањето на „Слак“ исто така покажа дека мал дел од работната сила - обично помлади вработени или оние со помалку од една година на работа - мислат дека поминуваат премалку време на состаноци. Истражувањето опфати работници во САД, Британија, Јапонија, Германија, Франција и Австралија.
.webp){kind=icon}
