Иако можеби младите соработници се поотворени од кога било за тоа колку пари заработуваат, тоа секако не е случај со извршните директори.
Менаџерите од највисоко ниво не се подготвени да го споделат износот на својата плата со никого: ниту со соработниците во кои имаат доверба, ниту со колегите во други компании, па дури ни со блиските пријатели, покажува истражување на „Линкдин“ (LinkedIn) спроведено на речиси 19.000 деловни професионалци со седиште во САД, анкетирани во јуни и јули.
Повеќето луѓе на почетни работни позиции би им кажале на своите семејства за износот на платата, а 31 отсто тоа би им го довериле и на своите блиски пријатели, но речиси една четвртина од потпретседателите во компаниите, C-suite директорите и сопствениците на бизниси велат дека воопшто не би кажале никому. Само 3 отсто од високите директори рекле дека тој податок би му го откриле на секој што се интересира, во споредба со 13 отсто од помладите сораборници.
„Кога станува збор за високите позиции, желбата за молк останува изненадувачки силна“, вели Џорџ Андерс, висок уредник на LinkedIn, во објава на интернет.
Се разбира, компаниите со јавно тргување треба да ги обелоденат платите на нивните високи извршни директори во годишните пријави за тие лидери да немаат избор.
Транспарентност за примања
Менаџерите се особено претпазливи за споделување податоци за платите со своите колеги, при што само 5 отсто од C-suite директорите изјавиле дека би споделиле детали за своите приходи со соработници на кои им веруваат, во споредба со 18 отсто од помладите вработени.
Bloomberg Mercury
Споделувањето на детали за платата може да покрене прашања за правичноста, пишува Андерс, што менаџерите би сакале да го избегнат како тема. Исто така тие можеби не чувствуваат потреба да разговараат за своите плати, бидејќи веројатно се посреќни со износот отколку повеќето помлади соработници, се вели во извештајот.
Покрај тоа, раководните лица би сакале да останат настрана од разговорите за платата со членовите од поширокото семејство, бидејќи тие може да имаат многу различни приходи.
Севкупно, само 34 отсто од лидерите на највисоки позиции се согласиле дека зголемената транспарентност на платите ќе доведе до поголема еднаквост на работното место, во споредба со околу половина од испитаниците кои не се на раководни функции.
.webp){kind=icon}